Tayyorlash va ularning malakasini oshirish hududiy markazi

O`ZBEKISTON RESPUBLIKASI

XALQ TA’LIM VAZIRLIGI
SIRDARYO VILOYATI XALQ TA’LIMI XODIMLARINI QAYTA

TAYYORLASH VA ULARNING MALAKASINI OSHIRISH

HUDUDIY MARKAZI

MALAKA ISHI
Mavzu: Tabiatshunoslik o’qitish metodikasi sohasidagi zamonaviy muammolar
Kurs tinglovchisining F.I.SH: Abduxalilova Muqaddas

Malaka toifasi: II toifa

Ish joyi: Guliston tumani, 7-maktab boshlang’ich sinf o’qituvchisi
Telefoni: [phone]

Malaka ish rahbari: Berdaliyeva Gulasal

Guliston-2020 yil (sentabr)

ANNOTATSIYA
Ushbu malaka ishida boshlang’ich sinflarda o’qitiladigan tabiatshunoslik metodikasi fanining mazmuni, mohiyati, maqsad va vazifalari keng ochib berilgan. Malaka ishida asosiy e’tibor, Tabiatshunoslik fanlari nima uchun o’qitiladi va yosh avlodni tarbiyalashda bu fan qanday ahamiyatga ega degan savollarga alohida e’tibor qaratilgan. Boshlang’ich sinf o’quvchilarining ilmiy dunyoqarashlari va tasavvurlarini kengaytirish, borliq bilan amaliy va nazariy tanishtirishda Tabiatshunoslik fanining o’rni alohida ahamiyatga ega.

Har bir fan o’qitilish jarayonida ma’lum bir muammo va tushunarsizliklar yuzaga keladi. Ushbu mammolarni yechish , eng maqbul yechimni topish pedagogdan yuksak bilim va mahoratni talab etadi. Xususan, Tabiatshunoslik fanlarining o’qitilish jarayonida ham ma’lum bir zamonaviy muammolar hozirgi kunda mavjud.

Mazkur malaka ishida ushbu fan yuzasidan duch kelinadigan ba’zi bir muammolar to’g’risida fikr yuritilib, ularning yechimlari bo’yicha oz bo’lsa-da, kerakli tavsiyalar va ko’rsatmalar berib o’tilgan.

Ushbu malaka ishi ma’lumotlari boshlang’ich sinf o’qituvchilari, boshlang’ich ta’lim yo’nalishi talabalari, pedagogika sohasida tadqiqot ishlari olib borayotgan ilmiy izlanuvchilar uchun ma’lumotlar bazasi bo’lib xizmat qiladi.