Tasvirlarda yashnar olam (tadbir senariysi) 1-boshlovchi

1-boshlovchi: San`at-yosh avlodni nafosatli qilib tarbiyalovchi vosita.Azal-azaldan san`at shunday vazifani ado etib kelgan.Tasviriy san`at kishiga zavq bag`ishlovchi nafis san`atdir.Tasviriy san`at deganda borliqni tasviriy obrazlarda, shakllarda, fazoviy kengliklarda yoki tekisliklarda ado ettirish tushiniladi.Tasviriy san`at tushunchasi keng ma`noga ega bo`lgan betakror san`atdir.
2-boshlovchi: Tasviriy san`at:grafika, rangtasvir, haykaltaroshlik, me`morchilik, zardo`zlik, dekorativ, amaliy san`at va bir qancha tur va janrlardan iboratdir.Jumladan, tasviriy san`at sohasiga ham shu nuqtai nazardan diqqat-e`tabor qaratilishi bejiz emas.Yosh avlodni Vatanga mehr-sadoqat ruhida tarbiyalashda tasviriy san`atning ham roli kata.Tasviriy san`at milliylik o`zanida zamonaga moslashmoqda.Bizning fan-texnika rivoji shuni taqozo etayotir.
1-boshlovchi: Rassomlar ijodini faqat tasviriy san`at darslaridagina emas, balki darsdan tashqari mashg`ulotlarda o`rgatish kata foyda keltiradi va o`quvchilarga ta`lim tarbiya berishda muhim rol o`ynaydi.
2-boshlovchi: Aprel oyida Yurtimizda Chingiz Ahmarovning 107 yilligi keng nishonlandi.Kelinglar, shoir ijodiga bir nazar tashlasak.
1) Musavvir Chingiz Ahmarov sharq adabiyoti va san`atini bilimdoni va uni qadrlaydigan, qo`lyozma va toshbosma kitoblarga ega bo`lgan oilada dunyoga keldi.Uning otasi jahongashta odam bo`lib, Turkiya va Saudiya Arabistoni, Misr va Turkiston bo`ylab ko`p marta sayohat qilgan edi.U qiziqarli safar taassurotlarini o`z oiladagilariga gapirib berar edi.Bu qiziqarli taassurotlar balki o`g`lining rassom bo`lishiga sabab bo`lgandir.
2) 1920-yillarning oxiridaAhmarovlar oilasi Qarshiga so`ng Samarqandga ko`chib keldi.Yoshlik chog`larine eslab Chingiz aka:”Esimni tanibmanki, rasm chizaman, bolalikda otlarning rasmini chizishni yoqtirardim.Ammo negadir ularning quloqlarini hech o`xshata olmasdim.Uyimizga mehmonlar kelishganda otam rasmlarimni ularga ko`z-ko`z qilishni yoqtirardi.Albatta, bunday maqtovlar menga ham yoqardi, men yana va yana rasm chizaverardim”.
3) Chingiz Ahmarov Perm badiiy texnikumida tahsil oldi.Ta`til davrlarini o`zining hayotiga tamaltoshini qo`ygan go`zal Samarqandda o`tkazardi.1930-yillarda tasviriy san`atning monumemental turi bilan qiziqadigan rassomni uchratish qiyin edi.Chizgiz aka aynan tasviriy san`atning ana shu turi bilan shug`ullana boshladi.Choyxonaga, bolalar bog`chasi uchun ishlagan devoriy suratlari bunga misol bo`la oladi.
4) 1935-yil Chingiz Ahmarov Moskvadagi Surikov nomli badiiy institutiga o`qishga kirdi va shu yerda bir yo`la aspiranturani ham bitirib chiqdi.Yarim asrlik ijodiy faoliyatida yuzlab grafik asarlar, o`nlab portret va mavzuli polotnolari, spektakl va kinofilmlarga ishlagan dekoratsiyalari, eskizlari bilan kata shuhrat qozondi.
5) Ayniqsa Toshkentdagi A.Navoiy nomidagi opera va balet teatri, A.Navoiy nomli adabiyot muzeyi, Samarqanddagi “Yulduz” choyxona kompleksi, A.Navoiy nomli metro stansiyasi, Beruniy nomli sharqshunoslik institute binolariga ishlagan asarlari kelajak avlod uchun kata meros bo`lib qoldi.