Tasvirlarda yashnar olam (tadbir senariysi) 1-boshlovchi

Azamat:Oyijon, dadajon, qayerda sizlar?Oyijon…
Onasi:Voy bolam tushmagurey,na muncha hovliqmasang.Shu yerdaman, qayerga ham borardim.Otang do`konga chiqib ketgandi, hozir kelib qolsa kerak.Nima gap bolam?
Azamat:Oyijon, o`g`lingizni tabriklang.Men bu hafta ham baho olish bo`yicha 1- o`rinni egalladim.
Onasi:Voy, onang o`rgilsin bolam, tabriklayman.Hovliqib kelganingdan taxmin qiluvdim o`zi.O`zim o`rgilay sendan.
Otasi:Ha, ona-bolalar.Nima baqir-chaqir, xursandchiligingizning boisi nima?
Azamat:Assalomu-alaykum dadajon.
Otasi:Voalaykum-assalom o`g`lim, yaxshi o`qib keldingmi?
Azamat:Dadajon, qarang men bu hafta ham 1-o`rinni oldim.
Otasi:Ha-a-a, barakalla o`g`lim.Bu deyman sinfingda boshqa o`quvchilar yoqmi, har hafta sen 1-o`rinni olasan?(kuladi)
Azamat:Bor dada.Sinfda 32 ta o`quvchimiz.O`rtog`im Botir bilan hafta davomida 30 ta baho olibmiz.Faqat, Botirda 3 ta “4” baho ham bor ekan.Menda esa hammasi “5”.Shuning uchun sinf rahbarim bu hafta ham “Rag`bat medali” ni menga topshirdi.Ha aytgandek, sinf rahbarim “Azamatjon, ota-onangga mening alohida rahmatimni yetkazib qo`y”,-dedilar.
Onasi:('>Onasi:(ko`zidagi quvonch yoshlarini artib)Baraka top bolam, baraka top.(yelkasiga qoqib qo`yadi)
Otasi:Rahmat senga o`glim.Onang ikkimizning yuzimizni yorug` qilding.Bu qilayotgan mehnatlaring rohatini albatta bir kun ko`rasan hali, bolam.
Onasi:Ilohim bir umr sening ortingdan faqat yaxshi gaplar eshitib yuraylik, bolam.
Azamat:Rahmat oyijon.Dadajon, oyijon, bilasizlarmi, hali men katta bo`lganimda sizlarning barcha orzularingizni amalga oshiraman.Sizlarni samolyotga mindiraman.Dunyo bo`ylab sayohatga olib chiqaman.
(ota-onasi kuladi)
Onasi:Voy bolamey,orzulari bir jahon bolamning.Ilohim niyatlaringga erishgin bolam.
Otasi:(hazillashib)Onasi, ungacha biz anchagina qarib qolamiz.Keyin samolyotga chiqishdan qo`rqmaymizmi-a?
Onasi:Voy hazilingiz qurmasiney, bolam samolyotga mindiraman deydi-yu, biz qo`rqamizmi?(kuladi)Yuringlar ovqat tayyor bo`ldi.(xursand bo`lib chiqib ketishadi)
Boshlovchi:Azamatlarning uyida kunlar shu tariqa davom etdi.Azamat maktabni, song litseyni a`lo baholarda o`qib tugatdi.Nihoyat, ozi orzu qilgan bilim yurtiga grant asosida o`qishga kirdi.Azamat ota-onasi qari bo`lganligi bois ham o`qib,ham ishlardi.U uyda yolg`iz qolgan qari ota-onasining holidan tez-tez xabar olib turardi.Keyinchalik esa, uyga uzoq vaqt kelmaydigan, buning ustiga ota-onasiga qo`ng`iroq ham qilmaydigan bo`lib qoldi.