Tasvirlarda yashnar olam (tadbir senariysi) 1-boshlovchi

Onasi:Dadasi, ko`nglim negadir notinch.Azamatjon na keladi, na qo`ng`iroq qilib holidan xabar beradi.Biror korxol bo`lmadimikin, yo kasal bo`ldimikin-a?
Otasi:Men ham shuni o`ylab turuvdim.Ertagayoq institutiga borib xabar olaman.
Onasi:Shunday qiling dadasi, ko`nglim xotirjam bo`lsin.
Otasi:Ilohim men o`ylagan narsa bo`lmasinda.(xonadan chiqib ketadi)
Boshlovchi:Azamatning otasi qarilikdan holsizlanib qolgan bo`lishiga qaramay ertasi kuniyoq Toshkentga yo`l oldi va to`rt kundan so`ng juda g`amgin holda uyiga qaytdi.
(onasi uy ishlari bilan band edi)
Onasi:Voy dadasi(ishini qo`yib yugurib keladi)Azamatjonni olib kelmadingizmi?Bolam qanday, yaxshi o`qib yurgan ekanmi?Hali ham olgan “5” baholari bilan maqtanib yurgandir-a?Gapisangiz-chi dadasi, nega indamaysiz, Azamatni ko`rdingizmi o`zi?
Otasi:Ko`rdim onasi, ko`rdim.Ko`rdimu, ko`zlarimga ishonmadim.Men va sen bilgan o`sha a`lochi, mehribon, quvnoq Azamat endi butunlay boshqa Azamatga aylanibdi.Ko`nglim adashmabdi onasi, ko`nglim adashmabdi.
Onasi:Bu nima deganingiz.Ota degani ham shunchalar bag`ritosh, mehrsiz bo`ladimi?A, o`g`limning o`qishlari ko`payib ketgandir, vaqtida kelmaganiga bo`lmag`ur gaplarni o`ylab topayapsizmi?
Otasi:(jahli chiqib)Bas qil qaysarlikni!Qanchalar og`ir bo`lmasin buni senga aytishim kerak.O`g`ling yomon odamlarga qo`shilib qolibdi.
Onasi:Yo`q, gapirmang, bas qiling.O`g`lim haqida bunday demang!U mening o`g`lim, mening mehribon o`g`lim.U ota-onasining yuziga oyoq qo`yadigan bolalardan emas.Azamatjon hali meni samolyotga mindirishi kerak, tushundizgizmi? 
Otasi:(ko`zidagi yoshini artib)O`rtoqlari aytganida men ham xuddi sendek ishonmadim.Ammo, uni o`z ko`zim bilan ko`rgach…
Onasi:O`z ko`zim bilan ko`rdim?Nimani ko`rdingiz, o`z ko`zingiz bilan nimani ko`rdingiz?Ayting deyapman sizga!
Otasi:Nega haqiqatni tan olmaysan?Axmoq o`g`lingni bu yo`ldan qaytarmoqchi bo`ldim, lekin u nima qildi, meni masxara qilib rosa kuldi.O`ziga kelmadi tushunyapsanmi, o`ziga kelmadi.(yig`laydi)
Onasi:( ma`yuslanib qoladi)Nahotki, mening o`g`lim, mening bechora o`g`lim.Siz qanday otasizki, o`z bolangizga xatosini uqtira olmadingiz?Uni yolg`iz jar yoqasiga tashlab kelaverdingizmi?Men o`zim boraman Toshkentiga, hoziroq.(yugurib chiqib ketadi)