Tasviriy san’at tur va janrlari

 
Bо‘rttirish va mubolag‘a
Real hayotning takrorlanmas boyligi va cheksiz turfaligi tasviriy san’at
asarlarida о‘z aksini topib, yana bir obrazli vosita yuzaga keladi – u
bо‘rttirish va mubolag‘adir. Bu vosita ayniqsa inson, hayot va tabiat 
holatlarining xarakterli xususiyatlarini, predmetlarning tashqi qiyofalarini
ifodalashdagi muhim usuldir. 
Ta’sirchan va yuksak badiiy asar yaratish rassomdan yuksak emo-sional
quvvat, hayot voqea va holatlari, hamda insonlar qiyofasidagi eng xarakterli 
xususiyatlarni aniq ilg‘ab olish, shu xususiyatlarga aniq urg‘u berish va
bо‘rttirish iqtidoriga ega bо‘lishni talab qiladiki, ular vositasida rassom 
tomoshabinni tasvirlangan voqea, holat va qiyofaning betakrorligini о‘tkir his
qilishiga undashi zarur. 
Haqiqatdan ham haqiqiy san’at asarida albatta mubolag‘a mavjud bо‘ladi. 
Kо‘psonli chuqur mazmunli yirik asarlar naturaning emotsional talqin qilish 
kuchi orqali yorqin san’at obrazlariga aylangan. Agar san’atda umumlashtirish 
hayot voqea va hodisalarini keng kо‘lamda anglashga yordam bersa, bо‘rttirish 
va mubolag‘a tasvirning xarakterli jihatlari va xususiyatlarini yanada aniqroq
ifodalashga imkoniyat yaratadi. 
Mubolag‘a tablig‘, ig‘roq, g‘uluvv deb atalgan uch turga bо‘linadi.