«tastiyiqlayman»

Jumistin` maqseti: fazalar araliq kelip shig`atug`in biopotentsiallar parqin alma qabig`inda jazip aliw ha`m u`yreniw.
Jumisqa kerekli materiallar: millivol`tmetr, potentsiallar parqin o`lshewge arnalg`an qurilma, Petri chashkasi (2 dana) P ha`m G formadag`i agarli sifonshalar, kaliy xloridtin` 0,01 ha`m 0,001 N eritpeleri, pipetkalar; fil`tr qag`az, skal`pel`, paxta; alma.
Jumisti orinlaw ta`rtibi: Potentsiallar parqin o`lshew ushin mo`lsherlengen sistema (qurilma) 13-su`wrette ko`rsetilgenindey etip jiynaladi ha`m millivol`tmetr elektr tarmag`ina jalg`anadi. Almanin` joqarg`i bo`liminen G formadag`i agarli sifonnin` kelte ushi siyaatug`in u`lkenlikte tesik ashilip, alma Petri chashkasina tesigin joqarig`a qaratip jaylastiriladi. Petri chashkag`a 0,01 N kaliy xlorid eritpesi quyilip, usi eritpe P- formadag`i agarli sifonsha ja`rdeminde o`lshew qurilmasinin` araliq stakandag`i eritpe menen tutastiriladi. G - formadag`i sifonsha ja`rdeminde bolsa alma qabig`indag`i tesik araliq stakandag`i eritpe menen baylanistiriladi. Araliq stakandag`i eritpelerge tu`sirilip qoyilg`an elektrodlardin` shtekkerleri millivol`tmetrge jalg`anip, potentsiallar parqinin` da`slepki ma`nisi o`lshep alinadi. O`lshew jumislari ha`r 5 minutda ta`krarlanip turaqli ma`niske erisilmegeninshe dawam ettiriledi. O`lshep aling`an na`tiyjeler jazip bariladi. Turaqli ma`niske erisilgennen keyin chashkadag`i eritpe kaliy xloridtin` 0,001 n eritpesine almastiriladi ha`m tezlik penen potentsiallar parqi o`lshep alinadi, keyin ala o`lshew jumislari joqarida ko`rsetilgenindey ha`r 5 minutda ta`krarlanadi. Potentsiallar turaqlasqannan son` alma qurilmadan alinip, onin` eritpege tiyip turg`an ta`repindegi bo`limi ksilolda izg`arlang`an paxta menen tazalanadi. Ksilol bolmag`anda almanin` eritpege tiyip turg`an ta`repindegi qabig`i skal`pel menen kesip alinadi ha`m chashkadag`i eritpege jaylastirilip da`slepki ta`rtipte, aldin kaliy xloridtin` 0,01 n keyin bolsa onin` 0,001 n eritpelerde potentsiallar parqi o`lshep alinadi.