Tasdiqlayman” yoib direktor o’rinbosari: Yo. Xolmurotov

XALQ ISHONCHI – ENG OLIY SAODAT

2015 yil 29 mart kuni yurtimizda milliy va xalqaro huquq normalari, demokratik tamoyillar asosida O’zbekiston Respublikasi Prezidentligiga bo’lib o’tgan saylovda saylovchilarning 90,39 foizi Tadbirkorlar va ishbilarmonlar harakati – O’zbekiston liberal demokratik partiyasidan Prezidentlikka nomzod Islom Abdug’anievich Karimovga ovoz berdi.

Albatta, xalq o’z taqdiri va istiqboli, farzandlari va ona yurtining kelajagini har kimga ham ishonavermaydi. Faqat el-yurt oldidagi mas’uliyatni chuqur his etadigan, Vatanga, uning mustaqilligiga xizmat qilishni eng oliy sharaf deb biladigan mard va jasur, uzoqni ko’zlab ish tutadigan yo’lboshchiga ishonadi.

Shu ma’noda, Prezidentimiz Islom Karimovning bo’lib o’tgan saylovdagi yorqin g’alabasi el-yurtimizning davlatimiz rahbariga, mustaqillik yillarida uning rahbarligida olib borilayotgan keng ko’lamli islohot va o’zgarishlarga bo’lgan yuksak ishonchining amaldagi namoyoni bo’ldi. “Ona yurtimiz baxtu iqboli va buyuk kelajagi yo’lida xizmat qilish – eng oliy saodatdir” kitobida ana ishonchning tub ildizlari hayotiy misollar, teran fikr-mulohazalar asosida ochib berilgan.