Tasdiqlayman” yoib direktor o’rinbosari: Yo. Xolmurotov

SHO’RO DAVRIDA NEGA BOLALARNING QORNI TO’YMAGAN?

Sobiq sho’ro davlati O’zbekistondagi boy va tadbirkorlarning mol-mulki, yeri, boyligini tortib olib, davlat mulkiga aylantirdi. Natijada odamlarda egalik hissi, tadbirkorlik ko’nikmalari yo’qolib bordi. Hamma bir xil, kambag’allikda, qashshoqlikda teng bo’lib qoldi. Boylik – yomon, kambag’allik – yaxshi, deb e’lon qilindi. Ishbilarmon, tadbirkor kishilar otib o’ldirildi, uzoq va sovuq o’lkalarga surgun qilindi. Davlat, dehqonchilik, sanoat ish bilmaydigan odamlarning qo’liga o’tdi. Buning oqibatida sovet davlatida ko’p yillar davomida, surunkasiga ochlik, qorni to’ymay yashash odat bo’lib qoldi.

Boshqacha qilib aytganda, kambag’allik deganda – sovet xalqi, sovet xalqi deganda – kambag’allik tushunilardi.

Bu haqda Prezidentimiz bunday hikoya qiladi: “U paytlar shunday vaziyatlar ham bo’lardiki, bir marta to’yib ovqatlanishning o’zi baxt hisoblanardi. Men yoshligimda bularning barchasini boshimdan o’tkazganman. Hatto, shunday bo’lganki, maktabda bir necha bor dars payti ochlikdan holsizlanib, uxlab qolganman. Bunday holatlar o’sha zamonlarni ko’rgan odamlarning ko’pchiligiga begona bo’lmasa kerak. Men aniq bilaman, sizlar ham yoshligingizda ayni shunday qiyinchiliklarni boshingizdan o’tkazgansiz. Ya’ni, hammamizning taqdirimiz o’xshash bo’lgan. O’sha davrlarda ertalab och-nahor turib, darsga chopardik, kuch-quvvat ham shunga yarasha bo’lardi....”