Yuqoridagi fikrlardan kelib chiqqan xolda va tadqiqot natijalariga tayanib, quyidagi umumiy xulosalarga kelindi:
Ilm, fan va texnikaning jadal rivojlanishi, yangi texnika va texnologiyalarning jamiyatning barcha qatlamlariga kirib borishi, axborot texnologiyasi vositalarining barcha davlat va nodavlat muassasalarida qo‘llanilishi o‘qituvchilardan uzluksiz bilim olishni talab qilmoqda.
Pedagogning faoliyati ko‘p qirrali bo‘lib, ular boshqa-ruvchi, muloqot qiluvchi, yo‘naltiruvchi, tashkil etuvchi va baholovchi rollarini amalga oshirishlari kerak bo‘ladi. O‘qituvchining dars berish jarayonidagi roli ancha murakkab bo‘lib, uning o‘ziga xos tarixiy va zamonaviy jihatlari mavjud. oldingi davrlarda o‘qituvchilarning faqatgina zamonaviy bilimlar berishi talab qilinsa, hozirda ulardan tarbiyaviy, madaniy-ma’naviy, siyosiy va ama-liy bilimlar berish ham talab qilinadi.
Hozirgi jamiyat, madaniyat va ta’lim taraqqiyoti sharoitida o‘qituvchi innovatsion faoliyatiga zarurat tug‘ildi. Innovatsionlik pedagogik jarayonni ifodalab, nafaqat uning didaktik qurilmasiga, balki o‘qituvchining ijtimoiy mohiyatli natijalari va ruhiy qiyofasiga ham taalluqlidir. o‘qituvchi yangi pedagogik texnologiyalar, nazariyalar, konsepsiyalarning muallifi, ishlab chiqaruvchisi, tadqiqotchisi, foydalanuvchisi va targ‘ibotchisi sifatida namoyon bo‘ladi.
Ta’limni faollashtiruvchi axborot texnologiyasi va texnik vositalardan, ulardan foydalanish samarasini belgilaydigan didaktik materiallardan keng foydalanish zamonaviy PT ning eng asosiy belgilaridan biridir. Milliy dasturda o‘quv – tarbiyaviy jarayonni boshqarishning bu muhim vositasiga alohida urg‘u berilgan. Insoniyat jamiyati rivojlanishining barcha bosqichlari texnik rivojlanish asosida amalga oshgan. Avtomatlashtirish mehnat unumdorligining ortishiga olib keldi. Mehnat jamoalarining shakllanishi bilimlar bilan almashish zaruratini yuzaga keltirdi.
Tadqiqot natijalaridan kelib chiqib, quyidagi tavsiyalar ishlab chiqildi:
1. Ta’limni globallashuv (xalqarolashuv) tendensiyalariga muvofiq ta’lim yo‘nalishlari va mutaxassisliklarini davlat, jamiyat, shaxs, ehtiyojlari kesimida maqbullashtirish, soha kadrlari kompetensiyalariga bo‘lgan talablarni muvofiqlashtirish, kasbiy bilim, ko‘nikma, malaka va tajribalar darajasini baholashning, diplomlarni tan oliishning yangi xalqaro mezon tizimiga o‘tish, bu orqali talaba va pedagog kadrlar mobilligiga erishish.
Talabalarning mustaqil ta’limi sifati va samaradorligini ta’minlashga yo‘naltirilgan boshqaruv, nazorat, kafolat mexanizmlarini yangi usul va shakllarini yaratish, tatbiqiga erishish, masofaviy ta’limni keng yo‘lga qo‘yish borasida pedagoglar bilim, ko‘nikma va malakalarini talab darajasida shakllantirish, bu boradagi ilg‘or tajribalarni ommalashtirib borish.
Pedagoglar faoliyatini yanada faollashtirish va yaratuvchilik motivlarini shakllantirishda zamonaviy o‘quv dasturiy ta’minotni yo‘lga qo‘yish, kadrlarning kvalifikatsiyasiga yo‘naltirilish, oliy ma’lumot va talabalarning shaxsiy akademik darajaga bo‘lgan ehtiyojlarni qondirish, mehnat bozorining talablari darajasiga mosligini ta’minlash.
Mamlakatimizda ta’lim sohasida amalga oshirilayotgan modernizatsiya jarayonlarining natijalarini targ‘ib va tashviq etish, uning ilmiy va amaliy asoslarini takomillashtirish bobida pedagoglar jamoatchiligi orasida ilmiy-amaliy seminarlar, simpoziumlar, konfernsiyalar, seminar treninglar, davra suhbatlari, soha mutaxassislari ishtirokida televidinie, radioda ko‘rsatuv va eshittirishlar tashkil qilish.
Do'stlaringiz bilan baham: |