«Tasdiqlayman» O‘quv ishlari bo‘yicha prorektor

Faol ta’lim berish usuli - ta’lim oluvchilarning bilim faoliyatlarini rag‘batlantiruvchi usuldir. U yoki boshqa muammoni yechish to‘g‘risidagi fikrlarni erkin almashinuvini nazarda tutuvchi suhbat asosida quriladi
Ta’limni tashkillashtirish shakllari: mohiyati va mazmuni
Ta’lim shakli o‘quv jarayonining shunday tashqi tomonlarini namoyon qiladi, ya’ni uning mavjud bo‘lish yo‘li va tartib-tartibot:
­ ta’lim oluvchilar soni: ommaviy, kichik guruhlarda, yakka holda
o‘qitish;
­ o‘qitish vaqti: 45 daqiqali dars yoki 90 daqiqali birlashgan dars,
“tanaffussiz dars”;
­ o‘qitish joyi: auditoriya, laboratoriya mashg‘ulotlari.
O‘quv ishini tashkillashtirish shakli esa – bu ma’ruza, seminar, mustaqil
ish va boshqalar.
Ta’lim beruvchi va ta’lim oluvchilarning hamkorlikdagi faoliyatini tashkillashtirish yo‘llari umumiy (frontal), guruhli, yakka tartibli.

Ta’lim beruvchi va ta’lim oluvchilarning hamkorlikdagi

faoliyatini tashkillashtirish shakllari:
Ommaviy ish (frontal) - barcha ta’lim oluvchilar oldiga bir xil topshiriq bajarish maqsadi qo‘yiladi.
▪ Jamoaviy ish (kollektiv) - ham umumiy va guruhliga taalluqli bo‘lishi mumkin: birinchidan, oldinda turgan ish rejasini hamkorlikda muhokama qilish; ikkinchidan, majburiyatlarni bo‘lish, hisobot shaklini tanlash; uchinchidan, xulosalarni muhokama qilish (tartib bilan alohida ta’lim oluvchilar fikrlari tingladi va muhokama qilinadi); turtinchidan, ma’qul xulosalarni shakllantirish (umumiy kelishuv bilan).

• 
  Guruhli - kichik guruhlarda hamkorlikda bir topshiriqni bajarish.
  
• 
  Yakka tartibli (individual) - o‘quv topshirig‘ini yakka o‘zi bajarishi.
  

Nazariy dars va amaliy mashg‘ulotlarni to‘g‘ri rejalashtirish uchun o‘qituvchi, avvalo, «Mavzuni maxsus pedagogikaning eng so‘nggi zamonaviy talablariga muvofiq o‘ta olamanmi yoki buning uchun yana alohida tayyorlanishim kerakmi?» hamda «Namuna sifatida ishlab chiqilgan dars reja va ishlanmalari mavjudmi?» kabi savollarga javob berishi kerak.
Shundan keyingi bosqichda o‘qituvchi o‘z o‘quvchilarining dastlabki bilim va ko‘nikmalarini aniqlab olishi lozim.
Buning uchun quyidagi asosiy savollar qo‘yilishi lozim:
­ Dars yoki mashg‘ulotni o‘tkazish uchun o‘quvchilarning dastlabki bilimlari qay darajada?
­ Dars yoki mashg‘ulotni o‘tkazish uchun qanday shart-sharoitlar mavjud?
­ Qanday ta’limiy mazmunlar o‘rgatilishi ko‘zda tutilmoqda?
Bu jarayonni soddaroq - o‘qitish bosqichlari deb nomlash mumkin: 1-bosqich o‘z ichiga dars va mashg‘ulotga nisbatan inobatga olinishi lozim bo‘lgan mavjud vaziyat va dastlabki shart-sharoitlarni o‘rganishni oladi. Bu bosqich ta’limning boshlanishida o‘quvchilarning rivojlanishi darajalarini beligilashni o‘z ichiga olib, dars yoki o‘quv mashg‘ulotidan so‘ng erishilgan natijalarning sifatini belgilashda muhim o‘rin egallaydi. Shuningdek, o‘quvchilar tomonidan erishilgan natijalarning tahlili shart-sharoitlar tahlili va maxsus soha (mazmun) tahlilini amalga oshirish imkonini ham beradi.