«Tasdiqlayman» O‘quv ishlari bo‘yicha prorektor

2-bosqich o‘quv maqsadlarini belgilash deb nomlanadi. Bu bosqichda o‘quv dasturi asosida dars va mashg‘ulot uchun maxsus o‘quv maqsadlari belgilab olinadi. Maqsadlar dasturiy talablardan kelib chiqqan holda belgilanadi.
3-bosqich. Nazariy dars yoki amaliy mashg‘ulot rejasini tuzish. Bu rejada barcha mazmunlar, mavzular, rejalashtirilgan metodlar, tanlab olingan o‘quv didaktik materiallarga muvofiq xolda o‘quv vositalari hamda umumiy vaqt
taqsimoti aks etadi.
Maxsus muassasa pedagogi mashg‘ulotning har bir bosqichi uchun o‘quv faoliyatining metod, usul va shakllarini tanlashida ta’limning rivojlantiruvchi usullariga e’tibor qaratishi lozim. Shu sababli ham u o‘z mustaqilllik malakalarining shakllanishiga, ya’ni o‘z ishini rejalashtirish, ta’limiy va didaktik materiallar hamda qo‘shimcha adabiyotlardan foydalana olish malakasining shakllanishi, ta’limiy maqsadga erishishi uchun mashg‘ulot (dars) jarayonini puxta loyihalashtira olish malakalariga ega bo‘lishiga alohida ahamiyat qaratishi lozim.
Pedagog rejalashtirishda ta’limiy dasturdagi bo‘limlarning yaxlit o‘zaro izchillik va uzviylilikni talab qilishini hisobga olishi lozim. Ishni rejalashtirishda nutqiy malakalarni shakllantirish o‘z tarkibiga nutq materialini tushunish va undan faol foydalanish, u yoki bu nutqiy operatsiyani alohida yordam asosida yoki mustaqil, namoyish asosida bajara olishlarni qamrab oluvchi bosqichlardan iborat bo‘lgan jarayon ekanligiga alohida e’tibor qaratish lozim. Ta’limiy-tarbiyaviy jarayon yaxlit kommunikativ yo‘nalishga (muloqotga) ega bo‘lishi barcha jarayonda unga rioya qilish majburiyatini yuklaydi. Shu sababli ham rejalashtirishda ushbu qoida doimo nazardan chetda qolmasligi va unga alohida urg‘u berilishini nazarda tutish lozim.
Har bir darsning tuzilishi (strukturasi) o‘qitish jarayonining qonuniyatlari va mantiqini belgilaydi, ya’ni talabalarning rivojlanishidagi muammolariga ko‘ra korreksion yo‘nalishni nazarda tutib, berilgan mazmunning hajmi ham imkoniyatlarga mos ravishda belgilanadi. Demak, ta’lim jarayonida
qo‘llaniladigan zamonaviy usullar har bir toifadagi (kar, zaif eshituvchi, ko‘zi ojiz, zaif ko‘ruvchi, aqli zaiflik va h.) nogiron talabaning imkoniyati hamda korreksion yo‘naltirilishiga mos holda tanlanishi lozim.
Rejada nafaqat ta’lim beruvchining xatti-harakatlari, balki ta’lim oluvchilarning rejalashtirilgan hatti-harakatlari ham ko‘rsatilsa, maqsadga muvofiq bo‘ladi.