“тасдиқлайман” Тошкент давлат техника университети Олмалиқ филиали директори

Уйга вазифа шарти - саҳнада бир вақтнинг ўзида 6 нафардан ортиқ иштирокчилар бўлмаган ҳолда, ҳаётда (хусусан ёшлар ҳаётида) учрайдиган турли хил қизиқ воқеликлар, иллатлар, камчиликлар кулгу остига олинган театрлаштирилган лавҳалар (кўринишлар)дан иборат чиқишдир.
Ушбу шартда жамоалар чиқишлари учун 5 дақиқа вақт ажратилади.
Ушбу шартда жамоалар чиқишларининг мазмуни, ҳаётийлиги, долзарблиги, танланган ғоянинг оригиналлиги, ҳазил-мутойибага бойлиги, қувноқлиги, ранг-баранглиги, иштирокчилар маҳорати баҳоланади. Ушбу шарт 4 баллик мезонда баҳоланади.
Кўрик-танловда иштирок этадиган жамоаларга қўйиладиган талаблар:
Кўрик-танловда иштирок этадиган жамоа аъзолари сони 14 нафардан кўп бўлмаслиги, улар мазкур таълим муассасасида таҳсил оладиган ёки доимий ишлайдиган ходимлардан иборат бўлиши лозим.
Жамоаларнинг чиқишлари юқори савияли бўлишини таъминлаш мақсадида тегишли мутахассислар (Бадиий Кенгаш рухсатига эга режиссёр, бастакор, ёзувчи ва ҳоказо) кўмагидан фойдаланишга рухсат этилади, аммо улар жамоа таркибига қабул қилинмайди.
Жамоаларнинг саҳнавий чиқишлари сценарийси беллашувдан 2 кун олдин Бадиий Кенгашга тақдим этилиши шарт.
Ҳар бир беллашувга жамоалар тайёргарлик кўриши лозим бўлган шартлар Бадиий Кенгаш томонидан танлаб берилади.
Жамоалар томонидан ўз чиқишлари давомида аввалги беллашувларда ишлатилган ҳазиллар, бошқа жамоалар томонидан ишлатилган ҳазиллар, эски латифалар, рус тилидаги беллашувларда ишлатилган ҳазилларни ишлатиши ман этилади.
Жамоалар томонидан ўз чиқишлари давомида уятсиз, бачкана, қўпол-қалтис ҳазиллар, таниқли инсонлар, санъаткорлар шахсига, ҳакамлар ҳайъати аъзолари шахсига нисбатан масхараомуз ва рақиб жамоаларга нисбатан камситувчи ҳазиллар ишлатиши тақиқланади.
Жамоалар кўрик-танловнинг ташкилий қўмитасига шикоят ва таклифлар билан мурожаат қилиш ҳуқуқига эга. Мазкур мурожаатлар филиал раҳбарияти ёки филиал ёшлар иттифоқи бошланғич ташкилоти етакчилари томонидан билдирилиши мумкин.