“тасдиқлайман” Тошкент давлат техника университети Олмалиқ филиали директори

III. Кўрик-танловни ташкил этиш тартиби
“Қувноқлар ва зукколар” кўрик-танлови филиалнинг талаба-ёшлари ўртасида анъанавий тарзда ҳар йили 2 босқичда ўтказилади.
Биринчи босқич – саралаш босқичида филиалда мавжуд таълим йўналиши ҳар бир гуруҳ жамоалари ўртасида ҳар ўқув йилининг сентябрь - октябрь ойлари мобайнида ўтказилади.
Мазкур босқич якунлари бўйича филиалдаги мавжуд ҳар бир таълим йўналишлари терма жамоалари шакллантирилади.
Иккинчи босқич – финал босқичи – финал босқичида саралаш босқичидан ўтган ҳар бир таълим йўналишидан бир нафар жамоа иштирок этади. Финал босқичи ҳар ўқув йилининг ноябрь ойи мобайнида ўтказилади.
Мазкур босқич якунлари бўйича энг юқори кўрсаткичларга эришган жамоа ғолиб деб топилади.


Танлов шартлари:
Таништирув шарти – жамоаларнинг ўзини таништириш характерига эга бўлган кўринишлар, ҳазил-мутойиба, куй-қўшиқ, рақс ва бошқа сатирик-юмористик саҳна кўринишлари уйғунлашган чиқиши ҳисобланади.
Ушбу шартдаги чиқиш мазмунан жамоалар номи, таълим муассасаси ёки ўзлари яшайдиган ҳудуд табиати, одамлари (хусусан ёшлари) ҳаёти, ўй-кечинмалари, талабалар орасида учраб турадиган салбий иллатларни юмор орқали танқид қилиш, жамоанинг бошқа ўзига хос хусусиятлари ҳақида маълумотлар, лавҳалар келтириш тартибида бўлади.
Ушбу шартда жамоалар чиқиши учун 6 дақиқа вақт ажратилади.
Ушбу шартда жамоалар чиқишларининг мазмуни, ҳазил-мутойибага бойлиги, қувноқлиги, ранг-баранглиги, куй-қўшиқ, рақс ижроси, иштирокчилар маҳорати баҳоланади. Танишув шарти 5 баллик мезонда баҳоланади.
Савол-жавоб шарти жамоаларнинг жамоавий тартибда бир-бирларига қизиқ (ҳазил-мутойибали) саволлар бериши ва берилган саволларга қизиқарли жавоб қайтаришига асосланган шартдир.
Ушбу шартда ҳар бир жамоа биттадан савол беради ҳамда бошқа жамоалар томонидан берилган барча саволларга ўзининг жавоб вариантини айтади.
Саволларга жавоб беришга тайёрланиш учун 1 дақиқа вақт ажратилади.
Ушбу шартда жамоалар берган савол ва жавобнинг мазмуни, хаётийлиги, долзарблиги, ҳазил-мутойибага бойлиги, иштирокчиларининг ҳозиржавоблиги, зукколиги баҳоланади. Мазкур шартда жамоаларга ҳакамлар ҳайъати томонидан қўшимча савол берилиши ҳам мумкин. Шарт 6 баллик мезонда баҳоланади.