“тасдиқлайман” Тошкент давлат техника университети Олмалиқ филиали директори

“ТАСДИҚЛАЙМАН”
Тошкент давлат техника
университети
Олмалиқ филиали директори
__________ А.У.Самадов
"____"________ 2019 йил
Тошкент давлат техника университети Олмалиқ филиали талабалари ўртасида ўтказиладиган “Қувноқлар ва зукколар” кўрик-танлови
НИЗОМИ


I. Умумий қоидалар

“Қувноқлар ва зукколар” кўрик-танлови талабаларнинг ҳазил-мутойибаларига асосланган, айни пайтда ёшларни ватанпарварлик, инсонийлик, тинчлик, дўстлик ва эзгуликка чорловчи ғоялар сингдирилган чиқишлари, уларни интеллектуал салоҳиятини янада такомиллаштириш, уларни Ватанга муҳаббат руҳида тарбиялаш, ёшлар орасида соғлом турмуш тарзини тарғиб қилиш, ёшлар муаммоларини ўрганиш, четдан кириб келаётган салбий оқибатларни олдини олиш, улар ўртасида ўзаро аҳиллик, дўстлик ва соғлом рақобат тушунчаларини сингдириб бориш, шунингдек, сатирик ва юмористик, бадиий-театрлаштирилган саҳнавий кўринишлари намойишидан иборат танловдир.

“Қувноқлар ва зукколар” кўрик-танлови Тошкент давлат техника университети Олмалиқ филиали (кейинги ўринларда матнда – филиал деб юритилади) талаба ёшлари ўртасида мазкур Низом асосида ташкил этилади.
“Қувноқлар ва зукколар” кўрик-танловини ташкил этиш ва ўтказиш билан боғлиқ барча масалалар филиалдаги “Маънавият ва маърифат” бўлими томонидан амалга оширилади.


II. Мақсад ва вазифалари
Ёшларни Ватанимиз, халқимиз, миллатимиз, миллий қадриятларимиз, тарихий-маънавий меросимизга ҳурмат ва садоқатли қилиб тарбиялаш.
Ёшларнинг ижтимоий фаоллигини ошириш, уларнинг ўқишдан бўш вақтларини мазмунли ташкил этиш.
Ёшларни турли хил ақидапарастлик ва зарарли оқимлар таъсирига тушиб қолишининг олдини олиш.
Иқтидорли ва истеъдодли ёшларни рағбатлантириш, қўллаб-қувватлаш, маҳоратини ошириш ҳамда уларнинг ўз имкониятларини юзага чиқаришлари учун шароит яратиш.
Таълим муассасасидаги ёшларни қийнаётган муаммолар, камчилик ва нуқсонлар ҳамда ёшлар орасида учрайдиган иллатларни юмористик ва сатирик йўл билан олиб чиқиш ва ҳал этилишида кўмаклашиш.