Тасдиқлайман” Наманган вилоят фермер, деҳқон хўжаликлари ва томорқа ер эгалари Кенгаши раиси Н. Каимов

IV. Туман кенгаши раисининг ҳуқуқ ва мажбуриятлари
4. Туман кенгаши раиси қуйидаги ҳуқуқ ва мажбуриятларга эга:
халқ депутатлари туман Кенгашлари, фуқароларнинг ўзини ўзи бошқариш органлари йиғилишларида фермер, деҳқон хўжаликлари ва томорқа ер эгаларининг экин майдонларидан фойдаланиш самарадорлигини муҳокама қилишда иштирок этиш ва ўз хулосасини тақдим этиш;
фермер, деҳқон хўжаликлари ва томорқа ер эгалари манфаатларини кўзлаб судга давлат божи тўламасдан даъво аризалари, давлат ва хўжалик бошқаруви органлари, маҳаллий давлат ҳокимияти органларининг қарорлари, уларнинг мансабдор шахслари хатти-ҳаракатлари (ҳаракатсизлиги) устидан шикоятлар тақдим этиш;
фермер, деҳқон хўжаликлари ва томорқа ер эгаларининг ҳуқуқлари ва қонуний манфаатларини ҳимоя қилиш мақсадида давлат ва хўжалик бошқаруви органлари, маҳаллий давлат ҳокимияти органлари, фуқароларнинг ўзини ўзи бошқариш органлари, бошқа ташкилотлардан қонун ҳужжатларида белгиланган тартибда зарур маълумотлар, ҳужжатлар ва материалларни сўраб олиш ҳамда мурожаат ва сўровлар киритиш.
деҳқон хўжаликларининг ер участкаларидан ҳамда томорқа ерлардан мақсадли ва самарали фойдаланиши, шу жумладан ерларга ишлов берилиши ҳолати, уруғлар, кўчатлар ва дарахтларнинг экилиши, иссиқҳоналар қурилиши, чорва ва парранданинг кўпайтирилиши устидан жамоатчилик назоратини ҳамда уйларни айланиб чиқиш орқали, шу жумладан учувчисиз учиш аппаратлари (дронлардан) фойдаланган ҳолда мунтазам равишда мониторингини юритиш;
Кенгаш аъзолари бўлган фермер, деҳқон хўжаликларига ҳамда томорқа ер эгаларига тегишли ер участкаларидан мақсадли ва самарали фойдаланиш зарурлиги тўғрисида кўрсатмалар бериш;
туман ҳокимларига фермер, деҳқон хўжаликлари ва томорқа ер эгаларининг тегишли ер участкаларига бўлган хуқуқларини ер қонунчилигига мувофиқ тугатиш зарурлиги тўғрисида кўриб чиқилиши бўйича таклифлар киритиш;
қишлоқ хўжалигида шартнома мажбуриятларининг бажарилиш юзасидан мониторинг ҳамда жамоат назоратини амалга ошириш;
томорқа ер участкаларидан асоссиз равишда самарасиз фойдаланганлик холати юзасидан томорқа ер эгасига жорий йил учун ҳисобланган ер солиғининг уч баробари миқдорини қўллашни сўраб туман давлат солиқ инспекциясига такдимномалар киритилишининг жамоат назоратини олиб бориш;
ўз фаолиятида юксак малакали бўлишга бор кучини сарфлаш, қўйилган вазифаларни ҳал этишда замонавий менежмент усуллари ҳамда, замонавий ахборот технологиялар ютуқларини ўз тажрибасида қўллаш;
коррупциянинг ҳар қандай кўринишларига қаршилик қилиш, айрим шахсларнинг давлат манфаатларига зиён етказадиган манфаатларини қўллаб-қувватланишига имкон бермаслик, коррупцияга қарши курашиш соҳасидаги ҳуқуқий билимлари даражасини мунтазам ошириб бориш;
жисмоний ва юридик шахсларнинг мурожаатларини кўриб чиқишда қонунчилик талабларига қатъий риоя этиш;
мансаб ёки хизмат мажбуриятларини бажариш чоғида манфаатлар тўқнашувига олиб келадиган ёки олиб келиши мумкин бўлган шахсий манфаатдорликка йўл қўймаслик;
хизмат доирасидаги ахборотларни ва иш жараёнида аён бўлган бошқа чекланган фойдаланишдаги маълумотларнинг ошкор қилинишига ёхуд ундан ғаразли ва бошқа шахсий мақсадларда фойдаланилишига йўл қўймаслик;
Кенгаш ва тизим фаолиятига тааллуқли бўлган маълумотлар, ахборотларни сир сақлаш, ахборот хавфсизлиги қоидаларига риоя қилиш ва Кенгаш фаолиятига тегишли бўлган маълумотларнинг конфиденциаллигини таъминлаш;
техника хавфсизлиги ва меҳнат муҳофазаси бўйича қоидаларга амал қилиш;
Республика ва Ҳудудий кенгаш раҳбарияти топшириқларини ўз вақтида ва сифатли бажарилишини таъминлаш;
Туман кенгаши мол-мулки ва пул маблағларидан ўрнатилган тартибда фойдаланиши, шу жумладан молиялаштириш манбалари тўғрисидаги ахборот билан танишиш эркинлигини таъминлаши;
туман кенгашининг зиммасида қонун ҳужжатларига мувофиқ бошқа мажбуриятлар ҳам бўлиши мумкин.
VI. Туман кенгаш раисларининг жавобгарлиги
Туман кенгаши раиси Ўзбекистон Республикаси Қонунлари ва ушбу Йўриқномада белгиланган вазифаларнинг бажарилишини таъминламаганлиги учун интизомий ва моддий жавобгар ҳисобланади.


Уйчи туман кенгаши раиси И.Бозорбоев