Тасдиқлайман” Наманган вилоят фермер, деҳқон хўжаликлари ва томорқа ер эгалари Кенгаши раиси Н. Каимов

“ТАСДИҚЛАЙМАН”
Наманган вилоят фермер,
деҳқон хўжаликлари ва томорқа ер эгалари Кенгаши раиси
__________ Н.Каимов
2022 йил “____”___________
Уйчи туман фермер, деҳқон ва томорқа ер эгалари Кенгаши
раисининг лавозим
ЙЎРИҚНОМАСИ
I. Умумий қоидалар
1. Уйчи туман фермер, деҳқон хўжаликлари ва томорқа ер эгалари кенгаши раиси туман фермер, деҳқон ва томорқа ер эгалари кенгаши Конференцияси, конференция оралиғида раёсат томонидан сайланадиган ва Республика кенгашининг розилиги асосида Вилоят кенгаши раиси томонидан ишга қабул қилинадиган раҳбарлик лавозимидир.
Уйчи туман фермер, деҳқон ва томорқа ер эгалари Кенгаши раиси (кейинги ўринларда – туман кенгаш раиси деб юритилади) ўз фаолиятини Ўзбекистон Республикаси Конституцияси, Ўзбекистон Республикасининг қонунлари, Ўзбекистон Республикаси Олий Мажлисининг қарорлари, Ўзбекистон Республикаси Президентининг фармони, қарори ҳамда фармойиши, Ўзбекистон Республикаси Вазирлар Маҳкамасининг қарорлари ва фармойишлари, ҳудудий кенгашнинг давлат рўйхатидан ўтказилган Низоми, Республика ва Ҳудудий кенгашнинг Раёсат қарорлари, буйруқлари, бошқа меъёрий ҳужжатлар, шунингдек, ушбу Йўриқнома ва Ҳудудий Кенгаш томонидан тасдиқланган иш режа асосида амалга оширади.


II. Малакавий талаблар
2. Туман кенгаши раиси лавозимида қишлоқ хўжалиги, иқтисодиёт, ҳуқуқ ва халқ хўжалигининг бошқа соҳаларида камида 3 йил меҳнат стажига эга бўлган олий ёхуд тўлиқсиз олий маълумотли (олий таълим муассасасида ўқиётган) шахслар ишлаши мумкин.
Туман кенгаши раиси Ҳудудий кенгаш тавсияси билан туман кенгаши Конференцияси томонидан 5 йил муддатга сайланади ва лавозимидан озод қилинади. Туман кенгаши конференцияси оралиғида туман кенгаши раиси ваколатлари унинг зиммасидан соқит бўлганда туман кенгаши раиси вазифасини вақтинча бажарувчи Республика кенгаш раиси билан келишилган ҳолда туман кенгаш раёсати томонидан сайланади (Республика кенгаши Уставининг VII боби, 7.1. банди).
Туман кенгаши раиси тегишли раҳбар орган қарори билан сайланган ёки лавозимдан озод қилингандан сўнг, у билан билан тузиладиган меҳнат муносабатларига оид ҳужжатлар, хусусан буйруқ ва меҳнат шартномалари Ҳудудий кенгаш раиси томонидан расмийлаштирилади (имзоланади).