«тасдиылайман»

МАВЗУ № 11: “Ёшларнинг ҳарбий-ватанпарварлик тарбиясида жанговар ва меҳнат шухрати музейларининг ўрни”.
Режа:

1. 
   Жанговар ва мехнат шухрати музейларини ташкиллашнинг мақсад ва вазифалари.
   
2. 
   Ўқув юртларида музейларни ташкиллаш ва уни рўйхатдан ўтказиш тартиби.
   
3. 
   Педагогик жамоа ва ЧҚБТ рахбарининг музей ишларини ташкиллашдаги вазифалари.
   

1. 
   Жанговар ва мехнат шухрати музейларини ташкиллашнинг мақсад ва вазифалари.
   

Кўргазмали музей ишларини дарсдан ташқари вақтларда ўқувчи ёшларни тарбиялашнинг мухим ва таъсирчан шаклларидан бири деб аташ мумкин.

Ўқув юрти музейлари кенг дунёқарашни шакллантиришга миллий ғоя, миллий мафкура асосларини чуқур эгаллашга, қизиқиш ва қобилиятни шакллантиришга, уларни ижтимоий-сиёсий ва ижодий мустақил фаолиятларини ўсишига, уларни изқуварлик, тадқиқот ишлари бўйича амалий малакалар билан қуроллантиришга, шунингдек ўқув-тарбия жараёнини такомиллаштиришга хизмат қилади.
Ўзининг йўналиши бўйича ўқув юрти музейлари тарихий, мемориал, ўлкашунослик, бадиий, техник ва шу каби бошқа йўналишлар бўйича иш олиб бориш мумкин.
Ўқув юртларида ўзбек халқининг мехнат ва жанговар шухрати, ўлкамизнинг тарихи хақида хикоя қилувчи музейлар ташкил этиш кенг йўлга қўйилган. Одатда, бундай музейлар яхши йўлга қўйилган изқуварлик ишлари ва ташкилотчилик фаолияти натижасида яратилади. Бу ҳолатда музейларни ташкил этиш қуйидаги кўринишда олиб борилади: изланиш учун мавзу - изланиш экспонатлар - экспонатларни сақлаш ва уларни намойиш қилиш учун музей.
Музей ташкилотчилари йиғилган материалларни сақланишини таъминловчи шароитлар хақида ўйланишлари жуда ҳам мухимдир. Бунинг учун улар ўқув юрти маъмурияти томонидан музей учун бино ва жиҳозлар билан таъминланиши зарур. Музейни ташкил этиш ва унинг ишини юритиш кўп жихатдан музей рахбарига боғлиқ бўлади. У тажрибали, обрўли, шунингдек, изланиш ишларига қизиққан инсон бўлиши керак. Агар бундай инсон бўлса, - музей ишлайди, агар бўлмаса - музей фақат қоғоздагина амал қилиши мумкин.
Бўлажак музей йўналишини белгилашда, уни экспонат материалари билан тўлдиришни хисобга олиш керак.
Ўқув юрти музейи экспозициясида хар хил турдаги материалар бир-бирига мувофиқ равишда жойлашиши мумкин. Масалан, макетлар, расмлар, суратлар, хариталар, диаграммалар, хар хил мавзудаги буюмлар, мукофот белгилари, қурол ва жанговар техника намуналари ва бошқа ашёлар бўлиши мумкин.
Ўқув юрт музейлари ташкилотчиларнинг фаолияти музей материаларини йиғиш ва асраш билан чекланиб қолмаслиги керак. Музей материаллари қанчалик хар хил ва бой бўлмасин, уни яна мохирона тарзда намойиш қила олиш керак. Чунки, музей ватанпарварлик тарбиявий вазифалардан ташқари, яна эстетик тарбия вазифасини ҳам бажариши керак. Шунинг учун ҳам музейни безаш ва жиҳозлашга истеъдодли ёш рассомларни жалб қилиш мақсадга мувофиқдир.

2.