«тасдиылайман»

7.3. Фахрийлар билан учрашувларнинг тарбиявий аҳамияти.

Фахрий мехмоннинг сухбатини ўқувчиларни ўқишдаги мехнатлари, уларнинг аждодларимиз анъаналарини давом эттиришдаги ютуқлари билан боғлаш мақсадга мувофиқдир. Фахрий мехмоннинг хикояси ёшларнинг саргузаштларга бойлиги, қизиқарли маълумотларга эга эканлиги билан жалб қилиниши, уларда бундай инсонлар билан муомала қилиш, эхтиёжини шакллантириш ва юксак фуқаролик бурчига эга бўлган жасоратли кишилардан ўрнак олишга интилишни фаоллаштириши, ўзларини Она-Ватан химоясига рухий тарбиялашга ёрдам бериши керак.

Бундай учрашувлар ўқувчилар шахсининг ички кечинмаларини фаоллаштиришга хизмат қилиши, уларни фахрий хикоясидаги воқеа ва ходисаларга куюнчаклик билан қарашга ўргатиш лозим. Бу учрашувларнинг мухим тарбиявий аҳамиятларидан бири, фахрийларни ёшларга Қуролли Кучларимиз ва халқимизнинг жанговар ва мехнат анъаналарини муқаддас билиб, уларнинг муносиб давомчилари бўлиши хақидаги насихатлари хисобланади. Фахрийларнинг бу маслахати ёки тилаклари оғзаки баён қилиниши ёки деворий газеталарда чиқарилиши мумкин.
Фахрийлар билан ўтказиладиган учрашувларнинг самарадорлигини ошириш шартларидан бири- бу уларни хаётидаги аниқ бир воқеа ёки ходисалар билан боғланган жойларда ўтказилишидир. Учрашув жойи унинг қатнашчиларини самимий сухбатга йўналтириши, фахрийлар билан ёшлар ўртасида бир- бирини тушуниш хиссини шакиллантиришга ва ўқувчиларда бу учрашувларга қизиқиш уйғотишга хизмат қилиши керак.
Фахрийлар билан учрашувлар ўтказиш -ёшлар маънавиятини, ахлоқий соғломлигини шакллантиришда мухим манбадир. Бу авлоддан- авлодга ўтиб келаётган анъаналар, урф-одатлар, қолаверса ёшларимиз қизиқиш ва интилишларига эьтибор демакдир. Бу учрашувлардаги фахрийларимизнинг чуқур ташвишлари, кайфиятлари, жўшқин хотиралари тарбиянинг маънавий асоси бўлиб хизмат қилади.
Бугун демократик адолатли жамиятни қуриш учун, яшаб, мехнат қиляпмиз -бу хаётий матонат ва баркамолликнинг ўзига хос имтихонидир. Бу ерда маънавий бўшлиққа ёки маданиятсизликка умуман ўрин йўқ. Шунинг учун маънавий- ахлоқий янгиланиш ва тозаланиш муаммоларига алохида эьтибор берилмоқда. Жамиятимизни ислох қилиш ва янгиланишнинг бошланиши, урф-одатлар билан миллий маънавият, ахлоқ ва маданиятнинг кучли қатламлари юзага келаётир. Бу ишларни амалга оширишда, албатта, фахрийларимиз ўз ўринларига эгадир. Улар ёш авлод тарбиясида мухим роль ўйнаб, Ватанимизнинг буюк келажаги йўлида сидқидилдан мехнат қилмоқдалар.
Ватанимиз ёшларининг муқаддас бурчи-бу аждодлар анъаналарига содиқликдир. Чунки, биринчи Президентимиз И.Каримов таъкидлаганидек, “Аждодларимиз анъаналари, бу бизнинг ахлоқимизни озиқлантирувчи, маънавий хаётимизни бойитувчи манбадир”.


Таянч иборалар:
Тематик кечалар, кеча сюжети, жанговар ва мехнат анъаналари, миллий ғоя, миллий истиқлол, ташаббус гурухи, кечани мафкуравий-назарий томонлари, кўргазмали ва бадиий воситалар. уруш ва мехнат фахрийлари, кеча композицияси, демократик, адолатли жамият;