«тасдиылайман»

Таянч иборалар:
Ҳарбий-ватанпарварлик тарбияси тизими, ҳарбий-ватанпарварлик тарбиясини перспектив режалаштириш, ҳарбий-ватанпарварлик тарбияси тамойиллари, тарбиянинг умумий ва махсус талаблари, «Ватанпарвар» ташкилоти, Ёшлар иттифоқи, жисмоний тайёргарлик, маънавий-рухий тайёргарлик, ватан ҳимоясига шайлик.
Назорат учун саволлар:

1. 
   Ҳарбий-ватанпарварлик тарбиясини режалаштиришнинг мақсад ва вазифалари нималардан иборат?
   
2. 
   Ҳарбий-ватанпарварлик тарбиясини режалаштиришга қўйилган талаблар.
   
3. 
   Ҳарбий-ватанпарварлик тарбиясининг умумий талаблари хақида сўзлаб беринг.
   
4. 
   Ҳарбий-ватанпарварлик тарбиясини перспектив режалаштириш деганда нимани тушунасиз?
   
5. 
   Ҳарбий-ватанпарварлик тарбиясини ойлик ва йиллик режалари хақида сўзлаб беринг.
   
6. 
   Чақириққа қадар бошланғич тайёргарлик ўқитувчисининг ҳарбий-ватанпарварлик ва оммавий-мудофаа ишлари режаларини амалга оширишдаги вазифалари.
   
7. 
   Ўқув юрти педагогик жамоасининг ҳарбий-ватанпарварлик ва оммавий-мудофаа ишлари режаларини амалга оширишдаги вазифалари.
   
8. 
   Ўқув фанларининг ватанпарварлик тарбиясидаги ахамияти хақида сўзлаб беринг.
   
9. 
   Ўқувчиларнинг ҳарбий-ватанпарварлик тарбиясида ёшлар иттифоқи ва «Ватанпарвар» ташкилотларининг роли хақида сўзлаб беринг.
   
10. 
    Ҳарбий-ватанпарварлик тарбияси тадбирлари қандай ташкилланади?
    

Мавзу № 5 “Ўзбекистон Республикаси ўқувчи ёшларини -Ўзбекистон халқи ва Қуролли Кучларининг жанговар ва меҳнат анъаналари асосидаги ҳарбий-ватанпарварлик тарбияси”.


Режа:
1. Анъаналар, уларнинг келиб чиқиши ва шаклланиши.
2. Ўзбекистон халқи ва Қуролли Кучларининг жанговар анъаналари.
3. Аждодлар анъаналарига содиқлик-ўқувчи ёшлар ва Ўзбекистон жангчиларининг фахрли бурчидир.


5.1. Анъаналар, уларни келиб чиқиши ва шаклланиши.
Бизнинг мустақил Ўзбекистонимиз -сайёрамизнинг энг тинчликсевар давлатларидан биридир. Бизнинг асосий мақсадимиз -иқтисодий жихатдан кучли, сиёсий жиҳатдан мустақил, хуқуқий демократик давлат қуришдир.
Мамлакатнинг ички хаётида қонунларни устуворлигига, халқ турмуш-тарзи фаровонлигини янада оширишга харакат қилиб, -Ўзбекистон Республикаси ташқи сохада ҳам бошқа давлатлар билан яхши қўшничилик, ўзаро ҳамкорликка интилиб, ўз келажаги томон дадил одимламоқда.
Шундай бўлсада, бизнинг теварак атрофимизда давлатимиз мустақиллигини, халқимизнинг тинч, осуда хаётини, унинг фидокорона яратувчанлик меҳнатини кўра олмаётган қора ниятли ёвуз кучлар ҳам йўқ эмас.
Шунинг учун ҳам, мамлакатимиз ҳарбийй куч-қудратини ошириш, ёшларни Ватан ҳимоясига тайёрлаш ва уларни ҳарбий-ватанпарварлик рухида тарбиялаш муҳим вазифалардан бири бўлиб ҳисобланади. Бу долзарб вазифалар мактаблар, ўрта махсус билим юртларида амалга оширилиб, оммавий тарзда ўз аксини топиши керак.
Катта авлодлар тажрибаси ва анъаналари-бу биз учун бебахо меросдир. Президентимиз, хукуматимиз бу меросларни кўз қорачиғимиздек сақлашни, уларни ижодий жихатдан янада бойитишга чақирмоқда. Шундай экан, анъаналарнинг ўзи нима? Ўсиб келаётган ёш авлод тарбиясига, уларнинг шаклланишига қандай таъсири бор, деган мазмундаги саволлар туғилади.