Тармоқли технологиялари ва интернет хизматлари. Локал ва глобал компьютер тармоқлари. Компьютерларни бир-бири билан боғлаш

Принт-сервер хизмати. Бунда тармоқдаги барча компьютерлар ўз маълумотларини хизмат жорий қилинган компьютер бошқаруви орқали қоғозга чоп қилиши мумкин;

Прокси-сервер хизмати. Бунда тармоққа уланган барча компьютерлар хизмат жорий қилинган компьютер бошқаруви орқали бир вақтда Интернет ёки бошқа хизматлардан фойдаланиши мумкин;

Компьютер ва фойдаланувчи бошқаруви хизмати. Бунда тармоққа уланган барча компьютерларнинг ва уларда қайд қилинган фойдаланувчиларнинг тармоқда ўзини тутиши ҳамда фаолият юритиши бeлгиланади ва назорат қилинади.

Ахборотни узатиш ва қабул қилиш. Тармоқ ҳар доим бир нечта компъютерларни бирлаштиради ва улардан ҳар бири ўз ахборотларини узатиш ва қабул қилиш имкониятига эга. Ахборот узатиш ва қабул қилиш компьютерлар ўртасида навбат билан амалга оширилади. Шунинг учун ҳар қандай тармоқда ахборот алмашинуви бошқариб турилади. Бу эса ўз навбатида компъютерлар ўртасидаги ахборот тўқнашиши ва бузилишини олдини олади ёки бартараф қилади.
Компьютерлар тармоқлари ташкил этилгандан сўнг ундаги барча компьютерларнинг манзиллари бeлгиланади. Чунки ахборотларни тармоқ орқали бир компьютердан бошқасига узатиш компьютер манзиллари орқали амалга оширилади. Жўнатилаётган ахборотга оддий ҳаётимиздаги хат жўнатиш жараёни каби узатувчи ва қабул қилувчи манзиллари кўрсатилади ва тармоққа узатилади. Ҳар бир компьютер келган ахборотдаги қабул қилувчи манзилини ўзининг манзили билан солиштиради, агар манзиллар мос келса, у ҳолда ахборотни қабул қилиб олади ва узатувчига қабул қилиб олганлиги тўғрисида тасдиқ йўллайди. Худди шу тариқа компьютерлараро ахборот алмашинилади.
Локал, минтақавий ва глобал компьютер тармоқлари.
Ҳудудий тақсимланиши жиҳатидан компьютер тармоқларини уч гуруҳга ажратиш мумкин.

75. 
    Локал тармоқлар (LAN –Local Area Network)
    
76. 
    Минтақавий тармоқлар.
    
77. 
    Глобал тармоқлар (Wide Area Networks)
    

Локал тармоқлар (LAN –Local Area Network) – бир корхона, муассасанинг бир ёки бир нечта яқин бинолардаги объектларни боғлайди. Локал тармокдаги компьютерлар орасидаги масофа унча катта эмас, агар радиоканал алоқасидан фойдаланса 20 кмни ташкил қилади.
Локал тармокда компьютерларни бирлаштирувчи сим (кабeль) сифатида қалин коаксил, ингичка коаксил, жуфт-жуфт қилиб ўралган (tokinq Rihq «витая пара») оптик тўқима (тола) симлари ишлатилиши мумкин.
Компьютер тармоғи махсус операцион тизим бошқарувида ишлайди. Ҳозир кўп ишлатилаётган Windows операцион тизим таркибида локал тармокда ишлаш имконини бeрувчи дастурлар мавжуд.
Локал компьютер тармоқлари бошқа компьютер тармоқлари турларидан қуйдаги хусусиятлари билан фарқ қилади:

75. 
    Ўзининг ўлчамлари;
    
76. 
    Ахборот алмашиш технологияси билан;
    
77. 
    Топологияси (тузилиши) билан