Тармоқли технологиялари ва интернет хизматлари. Локал ва глобал компьютер тармоқлари. Компьютерларни бир-бири билан боғлаш

Локал компьютер тармоғининг ўлчамлари унча катта бўлмаганлиги сабабли, улар ўзига хос дизайнига эга бўлиши мумкин. Кўп ҳолларда улар битта кабeлдан ташкил топган ахборот ташиш технологиясига эга бўлади. Локал компьютер тармоғининг ахборот узатиш тезлиги 10 Мб/сек дан 100 Мб/сек гача бўлади.
Локал компьютер тармоғининг топологияси ҳақида – кўп ҳолларда бу компьютер тармоғи қуйидаги икки кўринишга эга бўлади: тўғри чизиқли топология ва айлана кўринишли топология.
Локал компьютер тармоғидан фойдланишда ҳозирда Wi-Fi технологияси ҳам мавжуд.
Wi-Fi (Wireless Fidelity) — инглиз тили сўзларидан ташкил топган бўлиб, «симсиз вафолик» маъносини англатади. Wi-Fi технологияси ҳозирги кунга келиб компютер оламида энг перспектив компьютер тармоқ тармоқларидан бири ҳисобланади. Wi-Fi технологияси деб рақамли маълумотларни радиоканаллар орқали жўнатиш турларидан биридир.
Бизга маълумки, кабeлли тармоқли компютер тармоғини яратиш учун бир неча минг кабeл тармоғини қўлда ўрнатиш ҳамда махсус тармоқ топологиясини ўрнатиш талаб қилинади. Wi-Fi – радиочастоталарнинг қисқартирилган бошқарув частоталарида ишловчи симсиз маълумот алмашиниш стандартлаштирилган технологияси. Одатда Wi-Fi тармоғи орқали WLAN (Wireless Local Area Network – Симсиз Локал Тармоқ) тармоқлар яратилади. Ушбу тармоқда албатта юқори радиотўлқинлар орқали алоқа ташкил қилинувчи ҳамда ма]лумот алмашинишини кўриш мумкин бўлади. Бу тизим кабeлли тармоқни кенгайиши ёки унга алтернатив сифатида битта офис, бутун бир бино ёки бир майдон территориясида ишлатилади. Симсиз тармоқлар ўз-ўзидан кабeлли тармоқлардан ишончлироқ ҳисобланади. Кўпчилик WLAN тармоқларини диапазони ёки қоплаш майдони 160 метрни ташкил қилади, бу албатта унинг йўлидаги тўсиқларнинг қанақалигига ва қанчалигига боғлиқ бўлади.
Минтақавий тармоқлар унча катта бўлмаган мамлакат шаҳарлари, вилоятлардаги фойдаланувчиларни бирлаштиради. Алоқа канали сифатида кўпинча телефон тармоқларидан фойдаланилади.Тармоқ узеллари орасидаги масофа 10-1000 километрни ташкил этади.
Маҳаллий тармоқлар бир корхона, муассасанинг бир ёки қанча яқин бинолардаги абонентларни боғлайди. Маҳаллий тармоқлар жуда кенг тарқалган. Чунки 80-90% ахборот ўша тармоқ атрофида айланиб юради. Маҳаллий тармоқлар ҳар қандай структурага эга бўлиши мумкин. Лекин ундаги компютерлар юқори тезликка эга ягона ахборот узатиш канали билан боғланган бўлади.