Таржима назарияси ва амалиёти кафeдраси

Тадқиқот ишининг материали. Магистрлик диссертациямизнинг тадқиқот материали сифатида инглиз бадиий прозаси, унда қўлланилган концептлар, бадиий матн таржимаси материаллари хизмат қилди.
Тадқиқот ишида қўлланилган методлар. Магистрлик диссертациямизда қуйидаги комплекс характерга эга бўлган таҳлил методлари қўлланилди: когнитив тахлил, концептуал таҳлил, тавсифий таҳлил, трансформацион таҳлил, компонент таҳлил, қиёсий тахлил методлари.
Тадқиқотнинг назарий аҳамияти. Магистрлик диссертациямизнинг назарий ахамияти шундан иборатки у когнитив тилшуносликка хамда таржимашуносликка ўзига хос ҳисса қўшиш билан бир қаторда диссертацияда когнитивистика ва концептология хақида келтирилган хулосалар ва назарий билимлар, таржима моделлари доирасига кирувчи тахлил методлари кейинги илмий ўрганишлар учун замин бўлиб хизмат қилади. Диссертация доирасида келтирилган назарий мазмунлар тил бирликларнининг келажакда когнитив нуқтаи назардан ўрганилиши учун бой назарий материал сифатида фойдаланиш мумкин.
Тадқиқотнинг амалий аҳамияти. Магистрлик диссертациямизнинг амалий ахамияти шундан иборатки тадқиқот ишидан олинган натижалардан лексикология, умумий тилшунослик, когнитив лингвистика, лингвотипология, концептуал тахлил бўйича ўқиладиган махсус курсларда, маърузалар ва семинар машғулотларида амалий материал сифатида фойдаланиш мумкин. Тадқиқотда келтирилган концептлар ва тушунчаларни, лексик бирликларни комплекс тадқиқ қилингани сабабли, келтирилган амалий маълумотларидан изоҳли луғатлар, тезариуслар ва концептларнинг изоҳига мўлжаллаб тузиладиган луғатлар учун фойдаланиш мумкин.
Магистрлик диссертациясининг илмий янгилиги. Ушбу тадқиқот ишининг илмий янгилиги тилшуносликнинг бўлими хисобланмиш когнитивистикани мустақил йўналиш сифатида тадқиқ қилиш билан бир қаторда унинг таржимашуносликда тутган ўрнини аниқлаш. Таржима жараёнини моделлаштириш орқали таржима матнлари сифатини юқори даража кўтариш. Когнитив тахлил методи асосида инглиз бадиий прозасидан амалий мисоллар келтириш ва уларнинг концептологик мазмунини когнитив-стилистик тахлил қилиш.