Таржима назарияси ва амалиёти кафeдраси

Тадқиқот ишининг апробацияси. Магистрлик диссертациямизда келтирилган маълумотлар бўйича илмий мақолалар тўпламларида қуйидаги мақолалар чоп қилинди:
1. Абдирасулов Б. Таржимашуносликка когнитив ёндашув // Нофилологик йўналишларда чет тилини инновацион усулда ўқитишнинг ахамияти ва таржимонлик махорати // Республика илмий-амалий конференция материаллари. Наманган: НМТИ. – 2019. – Б.69-70
2. Абдирасулов Б. Таржимашуносликда когнитив психологик модел// Замонавий тилшунослик ва лингводидактиканинг коммуникатив аспектлари// Республика илмий-амалий конференция материаллари. Самарқанд: СамДЧТИ – 2019. – Б. 117-121
Тадқиқот ишининг ҳажми. Магистрлик диссертациямиз Кириш, уч боб, Хулосалар ва Фойдаланилган адабиётлар рўйхатидан иборат бўлиб ҳажми 95 бетни ташкил қилади.
Тадқиқотимизнинг Кириш қисмида мавзунинг долзарблиги Ўзбекистон Республикаси Президентининг қарор ва фармойишларига таяниб, методологик жиҳатдан асосланиб берилди. Диссертациянинг мақсадидан келиб чиққан ҳолда ўз ечимини топадиган вазифалар шакллантирилиб, тадқиқотда қўлланилган методлар аниқланди. Шу билан бир қаторда, йўналишга доир мавжуд илмий асарлар таҳлили келтирилди. Ишнинг назарий ва амалий жихатдан яхлитлилиги кўрсатиб берилди.
Магистрлик диссертациямизнинг биринчи бобида когнитивистика тилшуносликнинг бир бўлими сифатида талқин қилиниб тилшуносликда ва таржимашуносликда когнитив терминининг қўлланиши ва унинг моҳияти ҳақида сўз боради. Бундан ташқари Концептнинг лисоний воқеланиш жараёни кўриб чиқилди.
Тадқиқот ишининг иккинчи бобизамонавий таржима назариясида таржима моделларининг турлари ва уларнинг назарий когнитив таҳлилига бағишланган бўлиб, таржимашунослик когнитив ёндашув орқали талқин қилинади. Таржима жараёнини ўрганишда таржима моделларининг яратилиши таржимашуносликнинг тадқиқот методи сифатида тахлил қилиниб, етакчи таржима моделлари тақдим қилинган.
Диссертациянинг учинчи бобида когнитив-стилистик тахлилни таржиманинг асосий тахлил методи сифатида олиб таржима матнининг когнитив тахлилини бадиий матн сарлавҳаси таржимаси мисолида кўриб чиқдик ва тадқиқотга когнитив-стилистик ёндашдик (инглиз бадиий прозаси материали асосида).
Тадқиқот ишининг хулоса қисмида якунловчи хулосалар келтирилган бўлиб, ушбу когнитивистка хамда таржима моделлари, когнитив таълил меиоди хақида олимларнинг турли ёндашувлари қиёсий таҳлили бўйича якунловчи хулосалар берилди.