Тақризчилар: Ўзбекистон Давлат Жисмоний тарбия Институтининг пфд, профессор Ф. А. Керимов; твпктмои амалий фанлар кафедрасининг мудири профессор. Ф. Хўжаев Масьул

Жисмоний тарбия тизимининг асосий хусусиятлари

Жисмоний тарбия тизимининг асосий хусусиятлари бу - ғоявийлик, халқчиллик ва илмийликдир. Жисмоний тарбия тизимининг ғоявийлиги бу унинг йўналганлигидир (ватанпарварлик, ўз ватанини севиш, бойитиш ва ҳ.к)

Жисмоний машқлар билан шуғулланиш жараёнида ички дунёқараш шаклланиб боради ҳамда жамият аьзоларининг ахлоқ кодекси руҳида ахлоқий сифатлар тарбияланиб боради. Бизнинг жисмоний тарбия тизимининг мустақил Ўзбекистон Республикаси фуқароларининг ҳар томонлама жисмонан ва руҳан қобилиятларини ривожлантиришга хизмат қилади. Жисмоний тарбия тизимининг ғояси унинг вазифалари, принсиплари, методлари, шунингдек, ташкилий асосларида ўз ифодасини топган.
Жисмоний тарбия тизимининг йўналиши: мамлакатимизда бутун фуқаролар учун ягона бўлган жисмоний тарбия тизими тузилган.
Халқнинг жисмоний ривожланиши ва жисмоний тайёргарлик борасидаги муваффақиятлари ишлаб чиқариш маҳсулдорлигининг ўсишига, демак, халқ фаровонлигига таьсир етади. Шунинг учун ҳар бир кишини жисмоний тарбиялаш муҳим ишдир.
Жисмоний машқлар билан шуғулланиш учун ҳамма зарур шароитлар яратилмоқда; ўйингоҳлар, сув ҳавзалари қурилмоқда, гимнастика хоналари, майдончалар жиҳозланмоқда, спорт анжомлари, кийимлари, пояфзаллар тайёрланмоқда ва ҳ.к. Жисмоний тарбия жараёнида умумий қабул қилинган воситалар билан бир қаторда жисмоний машқлар ва спортнинг миллий турлари қўлланмоқда, тикланмоқда ва ривожлантирилмоқда.
ИЛМИЙЛИК - Жисмоний тарбия тизимининг характерли белгиларидан биридир. Мамлакатимизда тадқиқотлар асосида ягона давлат дастурлари, ўқув қўлланмалар, дарсликлар ва бошқалар яратилмоқда ва такомиллаштирилмоқда. Ҳар бир ёш даври учун жисмоний ривожланиш ва жисмоний тайёргарлик кўрсаткичларининг меьёрлари ишлаб чиқилмоқда, жисмоний тарбия жиҳозлари ва буюмларига бўлган талаблар аниқлан-моқда. Илмий тадқиқот ишлари бир қатор илмий тадқиқот институтларида ва Олий ўқув юртларида олиб борилмоқда. Тадқиқотлар натижасида еришилган барча янгиликлар амалда қўлланилмоқда. Шунинг учун давлат муассасаларида, жамият ташкилотларида ва оилада жисмоний тарбиянинг йўлга қўйилиши яхшиланмоқда. Педагогик ишчиламинг малакасини ошириш борасида ҳам кўпгина ишлар олиб борилмоқда.