Tarix 6-sinf

Akkadning yuksalishi

Shahar-davlatlar bir-birlari bi- lan tinimsiz urishar edi. Ana shu urushlar natijasida Sar-

gon I butun Mesopotamiya podshosi bo‘ladi. U mil. avv. 3-ming yillikning ikkinchi yarmida Akkad va Shumer shaharlarini o‘z hokimiyati ostida birlashtiradi.
Savdo-sotiqni rivojlantirish maqsadida Sargon I barcha shaharlar uchun yagona bo‘lgan uzunlik, maydon va og‘irlik o‘lchovini joriy etadi. U jahon tarixida birinchi bo‘lib muntazam qo‘shin tuzadi. Bu lashkar 5400 na- far jangchidan iborat bo‘lgan, keyinchalik esa ular Sargon I ga ko‘plab shaharlar va qo‘shni mamlakatlarni zabt etishga imkoniyat yarat- gan katta qo‘shinning asosiy kuchiga aylan- gan.
Sargon I vafotidan keyin uning taxtiga o‘tirgan vorislariga mamlakatda alanga olib turgan qo‘zg‘olonlarni bostirishga to‘g‘ri keldi. Mil. avv. 2-ming yillikning boshlarida Shu- mer-Akkad davlati ko‘chmanchi qabilalar zar- basidan parchalanib ketdi.

Urdagi katta zikkurat (ibodatxona)

Gulni olib qochayotgan ilon.Gilgamish haqidagi afsonaga ishlangan rasm

Sargon I – Shumer- Akkad shohi

Gilgamish haqidagi rivoyat. Mixxat

Tayanch konspekt

_ Mesopotamiya → Ikki daryo oralig‘i (Dajla va Frot daryolari oralig‘i)
_ dehqonchilik, hunarmandchilik, savdo- sotiq
 shaharlar – Uruk, Umma, Lagash, Ur
^ zikkuratlar – ibodatxonalar
^ xudolar – Shamash, Sina, Ea, Ishtar
^ Gilgamish – Uruk shohi
^ Sargon I – Shumer-Akkad shohi
_ mil. avv. 2-ming yillik – Shumer-Akkad davlatining parchalanishi.

Savol va topshiriqlar

1. 
   Xaritadan Ikki daryo oralig‘ida joylashgan shahar-davlatlarni toping.
   
2. 
   Tarixiy atamalar lug‘atidan foydalanib, «si- vilizatsiya» tushunchasiga izoh bering.
   
3. 
   Ikki daryo oralig‘i qadimda qanday atalgan?
   
4. 
   Mesopotamiyaning qaysi qismlari shumer- lar va akkadlar tomonidan o‘zlashtirilgan edi? Qachon?
   
5. 
   Tasavvur qiling, qadimgi savdogar sifatida siz Dajla daryosi orqali kemada turli mah- sulotlar bilan suzib, Shumerning qaysi shaharlarida savdo-sotiq ishlarini amalga oshirish imkoniyatiga ega bo‘lardingiz? Xa- ritadan foydalanib hikoya qiling.