Tarix // Sahodilla Rahimboyev

72. Qaysi bandda sifat turkumiga mansub bo’lmagan so’z berilgan?
A) yulg’ich B) erinchoq C) mulkdor D) gunohkor
73. Atrofdagi hovlilardan ko‘tarilgan tutunlar ko‘kimtir, mayin mavj bilan tiniq, sovuq havoda suzadi. Berilgan gapda sifat turkumiga mansub nechta birlik mavjud?
A) 3 ta B) 4 ta C) 5 ta D) 6 ta

74. Qo‘limda bitta sigir bor. Jonivor juda sersut, qaymog‘i suzsangiz bir enlik keladi. Berilgan gapda sifat turkumiga mansub nechta birlik mavjud?
A) 3 ta B) 2 ta C) 1 ta D) Mavjud emas.

75. Qo’shma sifat ishtirok etgan gapni aniqlang.
A) Barcha ezguliklar zamirida xosiyatli orzular yotadi.
B) Tuproq qatlami qalin, sersuv yerlarda o‘sgan archalar yo‘g‘on va bo‘ydor bo‘ladi.
C) Bobur mirzo mardona ishlar qilib Samarqand bilan Andijonni birlashtirganda men ... suyungan edim.
D) Bu bog‘lar ichida oq qizg‘ish, nafis, havorang marmardan qurilgan ko‘rkam binolar, ko‘shklar, kichik-kichik saroylar ko‘zga tashlanadi.

76. Tiniq, ko‘m-ko‘k osmonda onda-sonda yengil bulutlar asta kezadi. Berilgan gapda sifat turkumiga mansub nechta birlik mavjud?
A) 3 ta B) 4 ta C) 5 ta D) 2 ta

77. Ikki otning qo’shiluvidan hosil bo’lgan qo’shma sifat qaysi gap tarkibida uchraydi?
A) Orzu millatga hayotbaxsh ruh bag‘ishlaydi.
B) Ona yerning xushbo‘y tafti mast qiladi kishini.
C) Shirinsuxan, oqko‘ngil insonlar mevali daraxtga o‘xshaydi: hamma ulardan bahra oladi.
D) Nodon, kaltafahm odamdan yaxshi gap chiqmaydi.

78. Qaysi gap tarkibida sifat + ot qolipida hosil qilingan qo’shma sifat mavjud?
A) O‘zbek xalqi – mehmondo‘st xalq.
B) Toshbag‘ir odamdan yaxshilik kutma.
C ) Balandparvoz, quruq gapirgan odamning gapi bemaza qovunga o‘xshaydi.
D) Mehnatsevar, zahmatkash insonlar odamlarning ko‘rki, ishyoqmaslar esa ularning og‘riq joyidir.

79. Tarkibi yasama sifatlardan iborat juft sifat qaysi gapda mavjud?
A) Shoshilish, yengil-yelpi ishlarga havas, jahldorlik – nodonlar ishi.
B) Goho-goho keladigan uzuq-yuluq xabarlardan boshqa aloqa yo‘q.
C) Sehrli qalpoq axtarib eski-tuski kiyim-boshlar tashlanadigan burchak-surchaklarni tintuv qilib yurgan edim.
D) Mayda-chuyda narsalar tugilgan ro‘molni ko‘tarib qorovulxonaga kirdi.