Тарийхый география

Қашқадәрья ўәлаяты Памир-Алай таў дизбегиниң батыс бөлиминде жайласқан болып, 1943-жылдың 20-январында шөлкемлестирилген. 1960- жылдың январына келип болса, ўәлаят Сурхандәрья менен бирлестирилген еди. 1964-жылдың 7-февралында болса Қашқадәрья ўәлаяты қайта шөлкемлестирилген. Майданы 28,6 мың кв. км. ди қурайды. Халқы 2257 мың адам. Халықтың 25,2 % қалаларда жасайды. Ўәлаят қурамында13 аўыл районлары ҳәм 12 қала бар. Қаршы қаласы – ўәлаят орайы.
3 . Мәмлекет ҳәкимиятының шөлкемлестирилиўи


Олий Мажлис. Өзбекистан Республикасының Олий Мажлиси жоқарғы мәмлекетлик ўәкиллик органы болып, нызам шығарыўшы ҳәкимиятты әмелге асырады.
Өзбекистан Республикасы Олий Мажлиси еки палата – Нызамшылық палатасы (төменги палата) ҳәм Сенат (жоқарғы палата) тан ибарат болып, олардың ўәкиллик муддети - 5 жыл.
Өзбекистан Республикасы Олий Мажлисиниң Нызамшылық палатасы Нызам тийкарында сайланатуғын 150 депутаттан ибарат.
Өзбекистан Республикасы Олий Мажлисиниң Сенаты аймақлық ўәкиллик палатасы болып, Сенат ағзаларынан (сенаторлар) ибарат.
Өзбекистан Республикасы Олий Мажлисиниң Сенаты ағзалары Қарақалпақстан Республикасы Жоқары Кеңеси, ўәлаятлар, районлар ҳәм қалалар мәмлекет ҳәкимияты ўәкиллик органлары депутатларының тийисли қоспа мәжилислеринде депутатлар арасынан жасырын даўыс бериў жолы менен Қарақалпақстан Республикасы, ўәлаятлар ҳәм Ташкент қаласынан тең муғдарда 6 адамнан сайланады. Өзбекистан Республикасы Олий Мажлиси Сенатының 16 ағзасы илим, көркем-өнер, әдебият, ислеп шығарыў тараўында да ҳәм де мәмлекет ҳәм жәмийет искерлигиниң басқа тармақларында үлкен әмелий тәжирийбеге ийе болған, айрықша хызмет көрсеткен ең абырайлы пуқаралар арасынан Өзбекистан Республика Президенти тәрепинен тайынланады.
Өзбекистан 1991-жылы 1-сентябрьде мәмлекетлик ғәрезсизлигине ерискеннен кейин мәмлекет ҳәкимиятының ең әҳмийетли институтларынан бири сыпатында миллий парламентти раўажландырыўдың сыпат тәрепинен жаңа басқышы басланды. Миллий парламентаризмниң ең жаңа тарийхы 3 тийкарғы дәўирге бөлинеди.