Тарих ўқитиш методикасинининг предмети, мақсад ва вазифалар

Тестдан ўтказиш - таълим олувчининг билим ва малакаларини, психик ривожланиши, ижтимоий тажрибасини аниқлаш учун саволлар тизимининг қўйилишидир.
Технология - ишлаб чиқариш жараёнида ашёлар, материаллар, ярим тайёр маҳсулотларни тайёрлаш, қайта тайёрлаш, ашёнинг ҳолати, хусусияти, шаклини ўзгартириш методлари тўплами.
Тизим - 1) яхлит таълимни, унинг бирлигини белгиловчи бир-бири билан қонуний боғлиқ аксарият унсурлар (предметлар, ҳодисалар, қарашлар, билимлар ва бошқалар); 2) қисмларнинг маълум бир боғланишларда, ҳаракатларнинг ўта изчилликда режали, тўғри жойлашиш тартиби.
Туртки (стимул) - шахс психикаси мотивларининг шаклланишини таъминловчи ташқи таъсир.
Тушунча - атроф-муҳитдаги ҳодисалар, предметларнинг муҳим хусусиятларини, улар орасидаги алоқа ва муносабатларни билиш.
Фаолият - 1) онгли мақсад билан бошқариладиган кишининг ички (руҳий), ташқи (жисмоний) фаоллиги; 2) атроф-муҳитнинг кишилар томонидан мақсадга мувофиқ қайта бунёд этилиши.
Фаолиятнинг етакчи тури - бола ҳаётининг муайян давридаги психик ривожланишини етарли даражада таъминловчи ҳамда кейинги тараққиётига асос бўлувчи фаолиятдир.
Фундаментал - асосий.
Ҳайрихохлик - кишиларга очиқ кўнгил бўлиш, илтифотли, марҳаматли бўлиш.
Шахс - 1) кишиларнинг ижтимоий хулқи, инсонлар орасида ўзини тутишини акс эттирадиган руҳий сифатлари мажмуини билдирувчи тушунча; 2) турли-туман сифатлар тизимидаги кишининг руҳий, маънавий моҳияти; 3) ижтимоий моҳият касб этган ва ўз-ўзини англаш қобилиятига эга бўлган киши.
Шахсий фазилат — шахс томонидан ўзининг ахлоқий-руҳий ва ишчанлик қобилиятининг ижтимоий аҳамиятини, жамиятдаги ўрнини англай олиши.
Эътиқод — шахс амал қиладиган билим, тамойил ва идеалларнинг ҳаққонийлигига қалбан ва асосли ишонч билан боғланган, унинг атроф-муҳитга ҳамда ўзининг хатти-ҳаракатларига бўлган субъектив муносабати.
Эвристика - илмий тадқиқотнинг мантиқий усуллари ва методик қоидалари тизими.