Тарих ўқитиш методикасинининг предмети, мақсад ва вазифалар

Лаборатория иши - асбоб-ускуналар ва бошқа техник мосламалардан фойдаланган ҳолда, талабалар билан тажрибалар ўтказиш, бирор ҳодисани махсус жиҳозлар ёрдамида ўрганиш.
Лекция (маъруза) - одатда, таълим муассасасида бирор фан мазмунини оғзаки баён қилишга асосланган ўқув жараёни, методи.
Мактабнинг ички бошқаруви - юксак натижаларга эришиш мақсадида билишнинг объектив қонунлари асосида яхлит педагогик жараён қатнашчиларининг ўзаро мақсадли, онгли ҳаракатлари.
Малака - шахснинг ўзи эгаллаган билимлари асосида билимларнинг янги шароитда янгиликлари билан бирга, маълум бир фаолиятни самарали бажариш қобилияти.
Малака тавсифномаси - ўқитувчининг назарий ва амалий билимларига қўйиладиган умумий талаблар.
Мафкура - ғоя ва қарашлар тизими.
Машқ - ўзининг билимларини чуқурлаштириш ҳамда тегишли малака ва кўникмалар ҳосил қилиш мақсадида оғзаки ҳамда ёзма ҳаракатларни такроран амалга ошириш.
Машқ қилиш - ўқувчининг ўз қобилиятлари, билим, малака ва кўникмаларини ўстиришга қаратилган ҳаракатлари.
Мақсад - фаолият натижасини олдиндан фикран белгилаш.
Мақтов - фойдали иш қилган шахсни, жамоани оғзаки тақдирлаш.
Менежмент - ижтимоий (социал), шунингдек, таълим жараёнларини бошқариш тамойиллари, методлари, воситалари ва шакллари мажмуаси.
Метод — 1) табиий ва ижтимоий ҳаёт ҳодисаларини татбиқ қилиш, билиш усули; 2) ҳаракат қилиш усули, тарзи.
Методика - бирор ишни ташкил қилишда мақсадга мувофиқ қўлланадиган методлар тўплами.
Методология - 1) дунёни илмий билиш методи ҳақидаги таълимот; 2) бирор фанда, шу жумладан, педагогикада қўлланадиган методлар тўплами.
Мифология - қадимги дунё халқларининг дунё ва табиат ҳодисалари, уларнинг пайдо бўлиши ҳақидаги, худолар ва қаҳрамонлар ҳақидаги ривоятлари, афсоналари, бу афсонада қадимий халқларнинг дунё ва худолар ҳақидаги ибтидоий тасаввурларининг акс этганлиги.
Мотив - маълум эҳтиёжларни қондириш учун асос бўладиган кишининг ички фаолият мазмуни.
Мотивация — шахсни фаол хатти-ҳаракатларга ундовчи сабаблар, асослар тўплами бўлиб, у айни замонда киши хулқини физиологик ва психологик бошқаришнинг динамик жараёнини ҳам билдиради ва фаолиятининг йўналиши, фаоллиги, уйғунлиги ва турғунлигини белгилайди.