Tarbiya: muammo, yechim

II. Zamonaviy fan va ta’lim-tarbiya: muammo, yechim, natija
http://interscience.uz/
143 
Umuman, harflar orqali turli obraz yaratish K.Turdiyeva she’riyatining muhim 
yo`nalishi bo`la oladi. Shoiraning “Harflar she’r yozishgani haqida” sarlavhali 
alifbe ertakda
harflar endi obrazlarga kiradi. Ular asar tarkibida mustaqil personaj sifatida harakat qilib, 
ma’lum voqelikning obrazli ifodasiga ko`ra kompozitsion butunlikni tashkil qilgan. Hikoya 
qilinishicha barcha harflar bir joyda to`da bo`lib, she’r yoki hikoya yozish g`oyasini o`ylaydilar. 
Ammo nima haqda yozish ular o`rtasidagi bahsga sabab bo`ladi. “T” harfi “tog`” mavzusini 
ma’qullasa, “Q” qisqichbaqa, qarqunoq, qarg`a haqida yozamiz deb turib oladi. “O” harfi esa 
oqlikni, B – bo`g`irsoq, bo`rini maqtaydi; “S”, “M” harflari ham o`z so`zida turib oladi. Xullas, 
A-ahillikda gap ko`p deya hamma harflarni chaqirib, tizilishini shunda biror nima yozish 
mumkinligini aytadi. Barcha harflar alfavitdagi o`z o’rinlarini egallagach, “Alifbe”ga 
joylashgach, murodlariga yetadi, she’r yoza boshlaydilar.
Ko`rinadiki, shoira harflarni mustaqil personaj 
darajasida tasvirlab, ularni harakatga keltira oladi. Bunda kichkintoylar xarakteriga xos 
xususiyatlarni ochib berishda foydalanadi. Natijada, harflar goh adashib ketadi, gohida 
almashib qoladi. Shoiraning “Manman “B”, “Harflar adashdi”, “Harflar o`yini”, “Bitta harf 
qochsachi”, “Harflar ketib qolsa”, “M”, “A” kelsa yonma-yon”, “A” harfi qilsa o`yin”, “Harflar 
ustaxonasi”, “Bo`ling harfga hurmatda” kabi she’rlari ham shu tariqa ma’rifiy-badiiy 
ahamiyatga ega. Binobari, birgina K.Turdiyeva ijodi misolida ham aytish mumkinki, alifbe-
she’rlar endilikda harfiy san’atga asoslangan yangi she’riy shakllarga keng yo`l ochayotir. 
____________________________________________ 
1.
Safarov O., R.Barakayev, B.Jamilova. Bolalar adabiyoti . Buxoro, 2019.
2.
Turdiyeva K. Dunyoni saqlar bolalar.T., 2012.
3.
Turdiyeva K. XX asrning 60-80-yillarida o`zbek bolalar she’riyatida ma’naviyat 
masalalari. T., 2013. 
4.
K.Qosimova va boshq. Ona tili o`qitish metodikasi. –Toshkent, “Noshir”, 2009, 248-b.