Taraddud farg’ona viloyati Buvayda tumani Xalq ta’limi bo’limi

TARADDUD

Farg’ona viloyati Buvayda tumani

Xalq ta’limi bo’limi

10-umumiy o’rta ta’lim maktabining

ilmiy-uslubiy, ma’naviy-ma’rifiy,

adabiy-badiiy nashri

Assalomu alaykum, aziz mushtariy!

Qo’linngizda yana bir yangi nashr. Bu nashrni biz, buyuk kelajak sari yosh ijodkorlarning parvozga taraddudiga mengzab “Taraddud” deya atagan va 2018-yilda bitta sonini nashrga ham tayyorlagan edik. Nasib ekan, loyihamiz 2021-yilda ijrosini topmoqda.

Ushbu nashr Farg’ona viloayti Buvayda tumani Xalq ta’limi bo’limi 10-umumiy o’rta ta’lim maktabining ilmiy-uslubiy, ma’naviy-ma’rifiy, adabiy-badiiy nashri bo’lib, Buvayda tumani hokimi B.Ibragimov homiyligi va tuman hokimi o’rinbosari H.Isaqulovning qo’llab-quvvatlashi asosida chop etilmoqda.

Amaliy yordam uchun tumanimiz rahbariyatiga o’z minnatdorchiligimizni bildiramiz va “Taraddud”ning vatanimiz ijodkor yoshlariga pillapoya vazifasini o’tashi harakatdamiz.

AZIZ AYOLLAR

Farzandiga onalik mehrini berib,

O’stirdi erkalab, muhabbat berib,

Shirin kulgusidan yuraklar erib,

Mehr gulzoridan guldasta terib,

Bolam, deb yashagan, aziz ayollar!

Saodat bobida hursiz, go’zalsiz,

Shoirning yuragi, oltin g’azalsiz.

Parcha go’shtdan buyuk zot yaratgansiz,

Biz farzandlar uchun hayot bergansiz,

Bolam, deb yashagan, aziz ayollar!

Tiriklik gavhari, dunyoning ko’rki,

Mehr gulzorida bog’bonsiz asli,

Mukammal asarsiz, boqiy g’azalsiz,

Siz bilan davomdir insonning nasli.

Bolam, deb yashagan, aziz ayollar!

Farzandim, deb yashagan, aziz ayollar!