Тараў бойынша илимий-изертлеў алып барыў процеслери реже

ПИКИР
Пикир – араб тилинен алынған сөз болып, «жақсы» баҳа деген мәнини аңлатады. Әдебият сыншылық жанры, жаңа көркем, илимий яки илимий-оммабоп шығарма ҳаққында сыншы тәрепинен жазылған киши көлемли шығарма.
Пикирде шығарманың мазмуны, онда көтерилген машқалалар, оның идеялық-көркем өзгешеликлери автор дөретиўшилигинде ҳәм дәўир әдебиятында тутқан орны ҳаққында усыныслар билдириледи. Шығарма сыншы тәрепинен баҳаланады оның жетискенлик ҳәм пәзийлетлери, кемишиликлери айтылады. Пикирлер тийкарынан кең китапқумарлар топары ушын бағдарланады, оларды жаңа шығармадан хабардар етип, улыўма, көркем әдебият ҳәм оның үлгиси-көркем шығарма ҳаққында түсиниклерин анықластырыў, эстетикалық талғамын тәрбиялаўда әҳмийетли ўазыйпа атқарады.
Пикирлер өз характерине көре ҳәрқыйлы болады: кеңейтирилген аннотация тилиндеги пикир; сын мақала тәризиндеги пикир; әдебий ойлар ҳақкында пикир; дөретиўшиниң өз шығармасына жазған (авто) пикири.
Пикир жазыў-оқылған нәрсеге баҳа бериў ҳәм мазмунын қысқаша көрсетип қойыўдан ибарат. Пикир-таяр болған илимий жумысты оқып жуўмақ шығарыў, бул жумыстың жетискенлиги, кемишилиги ҳәм қандай дәрежеде жуўмақланғанлығы ҳаққында анық пикир билдириў. Биз төмендеги пикирдиң шамалаў көширмесин келтиремиз.


ҮЛГИ
Қарақалпақ мәмлекетлик университети психология бағдары 4-курс студенти А.Абатовтың «Ғәрезсизлик шәраятында зыялылар психологиясы» темасындағы питкериў қәнигелик жумасына
ПИКИР
Ўатанымыз ғәрезсизлигиниң нәтийжесинде инсан психологиясы өзгермекте. Усындай шараятта изертлеўши жәмийеттиң жетекши күши болған зыялылар, яғный оқытыўшылар психологиясын үйрениўди әҳмийетли машқала етип алған.
Питкериў қанигелиги жумысы: кирисиў, 2 бап, 5§ жуўмақ, усыныс, әдебиятлар дизими, қосымша, 4 кесте, 1 диаграммадан ибарат. Изертлеўши А.Абатов жумысының әҳмийетлилигин илимий жаңалығын ҳәм илимий фазаларын жетерли дәрежеде тийкарлап берген.
Жумыстың биринши бабында машқаланың теориялық бөлими жаратылған болып, онда шығыс ҳәм батыс психолог алымларының писхологиялық көзқараслары анализ етилген.
Екинши бабында оқытыўшы шахсының «Ўатан ғәрезсизлигине», «Ўатанға», «Мийнетке», «Өзине» ҳәм «Өзгелерге» болған қатнаслары-эксперимент тийкарында психологиялық анализ етип илимий жақтан жарытып бериўге ҳәрекет еткен.
Жумыста излениўшиниң усы бир қатар факторлар арқалы зыялылар санасына мүрәжат етип олардың ишки дүньясын үйренгенлиги жумыстың илимий потенциалын белгилейди. Питкериў қәнигелигелик жумысының авторы Өзбекстан Республикасы Президенти Ш.М.Мирзиёев алып барып атырған сиясат зыялылар психологиясында қандай сәўлеленип атырған ҳәм бул сиясат қандай дәрежеде халықшыл сиясат екенлигин анық дәлиллер менен илимий тийкарда баян еткен.
Студент жумыста оқытыўшылардың тийкарғы бөлими ески идеологиялық қабықтан тыс болып, өзин ҳақыйқый көринисин таўып атырғанын, олар көбирек өз күш-қүдиретине таянып баслап атырғанлығы ҳәм де олар Ўатансүйиўшилик сезими тийкар қылынып атырғанлығы психолог анализ қылған.
Жумыста айтып өтилген жетискенликтен тысқары айырым кемишиликлер ҳәм бар болып, олардан питкериў қәнигелик жумысының екинши бөлиминде гәплердиң стильлик қәте дүзилгенлиги, әдебиятлар дизиминиң тәртипсиз жазылғанлығы, усыныслар өз алдына берилмегенлиги.
А.Азатов усы ПҚЖ талапларға толық жуўап береди. Соның ушын бул жумысты жақлаў ушын МАК усыныс етемен.