Тараў бойынша илимий-изертлеў алып барыў процеслери реже

АННОТАЦИЯ
Китап ямаса мақаланың тийкарғы пикирлери аннотацияда қысқаша баян етип бериледи. Киши мақала фомасындағы аннотацияда шығармаға қысқаша баҳа бериледи.
Аннотация – характеристика китабының терең мазмуны баян етиледи ҳәм автор ҳаққында мағлыўмат береди. Аннотацияның өзине тән өзгешелиги соннан ибарат, ол оқылған тексттиң мазмуны жүдә анық ойлап жазыўды талап етеди. Соның ушын ҳәм аннотацияны аўызеки, өз сөзиңиз бенен қысқа қылып дүзиў керек. Аннотация тийкарынан ярым бет болады, жүдә кем жағдайда бир бетке барады. Оны жазған да әлбетте қағаздың бир тәрепинен орын қалдырың. Француз психологи Тен былай деген еди; «Мазмунын бир бет қағазда баянлап болмайтуғын китап жоқ, соның ушын, бир жуўмақтан бир беттиң мазмунын да бериўи мүмкин». Жазыўдың ең қысқа формаларының бири болған аннотация жазыў санаатын ийелеў ушын тынбай турақлы түрде шынығыў ислеў керек. Мысалы ушын төмендеги «Өзбекстан Республикасы психологлары» мағлыўматнамасына берилген аннотация менен таныстырамыз:
«Өзбекстан Республикасы психологлары» Ассоциациясы илимий дәреже ҳәм атаққа ийе болған психологлар ҳаққында мағлыўматнаманы баспаға таярлаўды өз алдына мақсет етип қойды.
Мағлыўматнама усы алымлардың өмир жолы, олардың хызметиниң қысқаша анализи, олардың заманагөй психология пәниниң раўажланыўына көрсеткен тәсири баян етилген.
Мағлыўматнамада Өзбекстанда ислеген ҳәм ислеп атырған психологлар ҳақкында мағлыўматлар берилген.
Бул Өзбекстан психологлар ҳаққындағы биографиялық ҳәм де библиогафиялық мағлыўматнаманың биринши баспасы есапланады.
Биз исенемиз, усы мағлыўматнама баспасы әҳмийетли, қызықлы болып, қәнигелерге ҳәм психологияға қызығатуғын кең китапқумарлар әмелий пайда келтиреди».
Аннотациядан гөзлеген тийкарғы мақсет китаптың тийкарғы мазмуны, неге хызмет етиўи, көтерилген машқала қандай оқыўшыға мөлшерленгенлиги ҳаққында анық ҳәм қысқа хабар бериў.
Аннотация ҳәрбир китаптың екинши бетинде бериледи. Аннотация бул китап, мақала, қолжазба мазмуны, тема бағдары ҳәм басқа тәреплерин ашып бериўге қаратылған қысқаша текст. Аннотация китаптың өзинде, библографиялық көрсеткишлерде ҳәм китапхана каталокларында ушырайды. Оның ўазыйпасы оқыўшыларда белгили бир китап, мақала ямаса қолжазба ҳаққында улыўма түсиник пайда етиў ҳәм оларға әдебият таңлаўда жәрдем көрсетеди.