Ta’limi vazirligi jizzax viloyati baxmal tumani xalq ta’limi bo’limiga qarashli 56-umumiy o’rta ta’lim maktabining sonli buyrug’I

Fuqarolar yig’inining Tadbirkorlik faoliyati va oilaviy biznesni rivojlantirish masalalari bo’yicha komissiyasi

Fuqarolar yig’inining tadbirkorlik faoliyati va oilaviy biznesni rivojlantirish masalalari bo’yicha komissiyasi faoliyati O’zbekiston Respublikasining “Fuqarolarning o’zini o’zi boshqarish organlari to’g’risida”gi Qonuniga muvofiq, O’zbekiston Respublikasi Vazirlar Mahkamasining 2013 yil 7 oktyabrdagi “Fuqarolarning o’zini o’zi boshqarish organlari faoliyatini yanada takomillashtirish chora-tadbirlari to’g’risida”gi 274-sonli qarori bilan tasdiqlangan “Fuqarolar yig’inining tadbirkorlik faoliyati va oilaviy biznesni rivojlantirish masalalari bo’yicha komissiyasi faoliyati to’g’risida”gi Namunaviy nizom bilan tartibga solinadi.

Har bir sohaning o’z faoliyat nizomi va tartib-qoidalari bo’lgani singari mazkur komissiya ham o’z faoliyatini O’zbekiston Respublikasining Konstitusiyasi va qonunlariga, tegishli normativ-huquqiy hujjatlar, Fuqarolar yig’ini to’g’risidagi nizom, fuqarolar yig’ini va uning Kengashi qarorlari hamda ushbu nizomga muvofiq, jamoatchilik asosida amalga oshiradi.
Komissiyaning asosiy maqsadi tegishli hududda kichik biznes va xususiy tadbirkorlik, oilaviy tadbirkorlik, kasanachilik, hunarmandchilik, chorvachilik, parrandachilik, dehqonchilik, shaxsiy tomorqa xo’jaligini rivojlantirish hamda sohaga aholini keng jalb etishga qaratilgan chora-tadbirlarni amalga oshirishga, shuningdek ajratilgan yerlardan samarali, oqilona va maqsadli foydalanishga ko’maklashishdan iborat.
Fuqarolar yig’inining tadbirkorlik faoliyati va oilaviy biznesni rivojlantirish masalalari bo’yicha komissiyasi fuqarolar yig’ini a’zolari tomonidan kichik biznes va xususiy tadbirkorlik, oilaviy tadbirkorlik, kasanachilik, hunarmandchilik, chorvachilik, parrandachilik, dehqonchilik, shaxsiy tomorqa xo’jaligi bilan shug’ullanish madaniyatini rivojlantirishga ko’maklashadi. Ularning shaxsiy tashabbuslarini qo’llab-quvvatlashga doir chora-tadbirlarni amalga oshiradi.
Aholi o’rtasida kichik biznes va xususiy tadbirkorlik, oilaviy tadbirkorlik, kasanachilik, hunarmandchilik, chorvachilik, parrandachilik, dehqonchilik, shaxsiy tomorqa xo’jaligi bilan shug’ullanish bo’yicha targ’ibot-tashviqot ishlarini tashkil etadi. Shuningdek, kichik biznes va xususiy tadbirkorlik, oilaviy tadbirkorlik, kasanachilik, hunarmandchilik, chorvachilik, parrandachilik, dehqonchilik, shaxsiy tomorqa xo’jaligi faoliyati samaradorligini oshirish yuzasidan tegishli davlat organlariga takliflar kiritadi.
Tegishli hududlarda tadbirkorlik faoliyatini tashkil etadi va uning samaradorligini oshirishda fuqarolar yig’ini a’zolariga mavjud bo’sh binolar va yerlardan maqsadli foydalanish, moddiy resurslardan (urug’lik, ko’chat, mineral o’g’it, kimyoviy vositalar va shu kabilardan) foydalanishda qulay shart-sharoitlar yaratadi. Bank va kredit xizmatlari ko’rsatadi, mahsulotlarni ichki va tashqi bozorga chiqarish kabi yo’nalishlarda ko’maklashish bo’yicha fuqarolar yig’ini kengashiga takliflar bilan chiqadi.
Layoqatli fuqarolarni aniqlash, ularning kasbi, malakasi, bilimi va ko’nikmasi, qiziqishiga qarab ularning bandligini ta’minlash bugungi kunning dolzarb vazifasi hisoblandi. Shu bois, komissiya o’z faoliyatida bu masalaga ham asosiy e’tiborini qaratishi lozim.
Tadbirkorlik faoliyati bilan shug’ullanish istagida bo’lgan fuqarolarni qonun hujjatlarida belgilangan tartib-taomillar, imtiyozlar, davlat ro’yxatidan o’tkazish, mehnat munosabatlariga kirishish va boshqa masalalar yuzasidan targ’ibot ishlarini amalga oshirish va maslahat markazlariga ko’maklashish, shuningdek, qonun hujjatlariga muvofiq boshqa vazifalarni ham amalga oshirishi mumkin.
Fuqarolar yig’inining Tadbirkorlik faoliyati va oilaviy biznesni rivojlantirish masalalari bo’yicha komissiyasi o’z vazifalarini amalga oshirishda tuman (shahar) Bandlikka ko’maklashish va aholini ijtimoiy muhofaza qilish markazi, Savdo-sanoat palatasi, Fermerlar Kengashi, Tijorat banklari, Ichki ishlar organlari profilaktika inspektori, Xotin-qizlar qo’mitasi, “Kamolot” yoshlar ijtimoiy harakatining hududdagi korxona va tashkilotlardagi boshlang’ich tashkilotlari, fuqarolar yig’ini raisi (oqsoqoli)ning maslahatchilari, fuqarolar yig’inining diniy ma’rifat va ma’naviy-axloqiy tarbiya masalalari bo’yicha maslahatchisi, “Mahalla posboni” jamoatchilik tuzilmasi, hududda tadbirkorlik faoliyatini rivojlantirishga ko’maklashish maqsadida tashkil etilgan maslahat markazlari, fuqarolar yig’ini faoliyatining asosiy yo’nalishlari bo’yicha boshqa komissiyalar bilan hamkorlik qiladi.