Ta’limga steam yondashuv

Konstruktivizm

Tadqiqotli metod

STEAM loyihalar



Muammoli ta’lim metodi


Konstruktivizm- o’qish mexanizmini tushuntiruvchi nazariya. Bu nazariyaga ko’ra, “bola o’z intellektining me’mori”. U o’zi o’rganmasa, unga hech kim, hech narsani o’rgata olmaydi. Buning uchun konstruktivist o’qituvchi o’quvchining o’quv-izlanish jarayonini konstruksiyalab, ya’ni munosib o’quv muhitini yaratib, didaktik topshiriqlar asosida harakatlar rejasini ishlab chiqishi kerak.Insonlar tajriba va refleksiya vositasida olam haqidagi bilimlarini shakllantiradilar. Darslarda o’quvchilar faol metodlar yordamida o’rganadilar, masalan, ular tajriba(eksperiment) o’tkazib, real masalalar yechimini topadilar. Shiningdek, ular o’z bilim va tushunchalari qanchalik o’zgarayotganini muhokama qilishadi. Tadqiqotli metod, loyihalar metodi, muammoli ta’lim metodi konstruktivizmga asoslanadi.
Tadqiqotli ta’lim o’quvchilarda mavjud axborot va faktlar zahirasini talab qiladi. Bu jarayonda o’quvchilarda bilishga asoslangan fanni tushunish shakllanadi. Tadqiqotli metod o’quvchilardagi tadqiqot asosida shakllangan ko’nikmalarni qo’llash asosida mavjud muammo va savollar uchun ma’qul yechim izlashni taqozo etadi. Loyihali metodlar tadqiqotga asoslansa-da, lekin tadqiqotli metodlar har doim ham loyihalanmaydi.
STEAM ta’lim ta’limga konstruktiv yondashuvdir. O’quvchilar ochiq loyiha va topshiriqlar ustida ishlashadi. Innovatsiyalarni yaratuvchi har bir o’quvchi nafaqat matematika, texnika hamda texnologik mahoratini ishga soladi, u, shuningdek, dizayn-tafakkurini, ijodiy yondashuvi va badiiy-obrazli ko’nikmalarini ham ishga soladi (STEM+A). Faoliyat urg’usi o’quvchiga beriladi, o’qituvchi esa yordamchi rol(vazifa)ini bajaradi. Ushbu davomiy jarayonda o’quvchilar guruhi axborot manbalarini to’playdilar, shaxsiy loyihalari ustida ishlaydilar. Loyiha ishlanmasi o’quvchidan masalalar yechimini talab qilishi mumkin, lekin loyiha har doim ham muammoga yo’nalgan bo’lmaydi. Loyihalar tadqiqotga asoslanadi, lekin u har doim ham tadqiqotchilik ko’nikmasini shakllantirishni taqozo etmaydi.