Ta’limga steam yondashuv

«Muhimi — jarayon va hodisalarni eslab qolish emas, tushunish…»
«Eng muhim qonuniyatlarni qo’llay olish…»
«Yangi bilimlar yodda qolishi uchun ularni o’zidan, o’z tajribasidan o’tkazishi lozim…»
«Xususiydan umumiy bilimlar tomon borish…»
«O’zi biror marta tadqiqot ishini olib bormagan o’qituvchi o’quvchini ham tadqiqot qilishga o’rgata olmaydi…»

STEAM-ta’lim yuzasidan uslubiy qo’llanmamizga muxtasar kirish qilar ekanmiz, aytish mumkinki, ushbu ta’lim umumta’lim maktablarida sinf-dars tizimidan loyihaviy faoliyatga tomon o’tish, fundamental bilimlarni funksional bilimlarga ko’chirish, amaliyotda faol qo’llash jarayoni orqali fanlar integratyasi, kesishmasida muammolar yechimining yangicha yo’llarini izlash, lozim topilsa, kashf etishga yo’naltirish kabi amaliy-metodik vazifalarni muvaffaqiyatli amalga oshirishning innovatsion yo’llarini joriy etishni nazarda tutadi.

Ta’limga STEAM yondashuv. U bizga nima beradi?
Agar siz “STEAM” talim borasida ma’lumotga ega bo’lmasangiz, unda ushbu qo’llanma siz uchun. Agar siz tajribali o’qituvchi bo’lib, STEAM loyihalarini qo’llay boshlagan bo’lsangiz, unda qo’llanmamiz bu boradagi bilimlaringizning yanada kengayishiga yordam beradi.

Uslubiy qo’llanma o’quvchilarni STEAM loyihalar qiziqtirish bo’yicha o’qituvchilarga quyidagi axborot va ta’limiy vositalarini taklif etadi:

• 
  Loyihaviy faoliyat turlari, ularning tavsifi va afzalliklari bilan tanishasiz;
  
• 
  Loyihani rejalashtirish bosqichlarini o’rganasiz;
  
• 
  Baholashga loyiha ishining muhim qismi sifatida qarash (bu sizga o’quvchilaringizning muvaffaqiyatga erishishiga yordam beradi);
  
• 
  Ta’lim jarayonida o’quvchining mustaqil ishlash ko’nikmasi shakllantirish;
  
• 
  STEAM faoliyatni muvaffaqiyatli boshqarish.
  

Qo’llanma 5 ta darsdan iborat.