Таълим вазирлиги Ўзбекистон Республикаси

5.10-расм. Инқирозга қарши кадрлар сиёсати йўналишлари

«Инқирозга қарши кадрлар сиёсати» атамасининг жорий қилиниши персонални бошқаришни бир нечта нуқтаи назардан кўриб чиқишг имкон беради:

• 
  инқирознинг ўтиб боришини юмшатиш ва олдини олиш омили сифатида;
  
• 
  корхонани инқироздан олиб чиқишнинг энг муҳим йўналиши сифатида;
  
• 
  молия, инвестициялар ва ҳ.к. билан бир қаторда инқирозга қарши бошқарув умумий тизимининг тенг қимматли элементи сифатида;
  
• 
  бошқа бўлимлар билан узвий боғлиқ бўлган ва дастур мақсадига эришишга йўналтирилган ва шу билан бирга нисбий мустақилликка эга бўлган корхона инқирозини бошқаришнинг умумий дастурининг кичик дастурлари (бўлими) сифатида, чунки унинг ўзига хос дастур тушунчаси, мақсадлари, вазифалари ва уларни амалга ошириш усуллари мавжуд.
  

Шундай қилиб, инқирозли корхона кадрлар сиёсатининг асосий хусусияти уни инқирозга қарши бошқарув умумий жараёнининг элементларидан бири сифатида иштирок этиши мумкин бўлган даражада инқирозга қарши персонални бошқариш умумий тизими сифатида ташкил қилиш зарурати ҳисобланади (5.11-расм).

Ички ва ташқи таъсир омилларини таҳлил қилиш

Чизиқли ва функционал менежерларнинг инқирозга қарши кадрлар сиёсатига қарашларини аниқлаш, персонал фикри, унинг қанчалик адолатли эканлиги ва сиёсатнинг қанчалик изчиллик билан амалга оширилиши


Ташкилот касаба уюшмаси фикрини ҳисобга олиш ва мувофиқлаштириш (агар мавжуд бўлса)


Олинган маълумотни таҳлил қилиш, инқирозга қарши кадрлар сиёсати концепциясини ишлаб чиқиш ва уни амалга оширишга доир чора-тадбирлар тақдим этиш

5.11-расм. Инқирозга қарши кадрлар сиёсати шакллантиришда персонални бошқариш хизматининг иштирок этиши блок-схемаси

Инқирозга қарши кадрлар сиёсатини шакллантиришда персонални бошқариш хизматининг асосий вазифалари қуйидагилардан иборат:

1. 
   Ташкилотнинг корпоратив ва умумий қадриятлари ҳақида тасаввур шакллантириш.
   
2. 
   Ички ва ташқи таъсир омилларини таҳлил қилиш.
   
3. 
   Менежерларнинг инқирозга қарши кадрлар сиёсатига қарашларини аниқлаштириш, персонал фикри, унинг қанчалик адолатли эканлиги ва сиёсатнинг қанчалик изчиллик билан амалга оширилиши.
   
4. 
   Ташкилот касаба уюшмаси фикрини ҳисобга олиш ва мувофиқлаштириш (агар мавжуд бўлса).
   
5. 
   Олинган маълумотни таҳлил қилиш, инқирозга қарши кадрлар сиёсати концепциясини ишлаб чиқиш ва уни амалга оширишга доир чора- тадбирлар тақдим этиш.
   

Инқирознинг турли босқичларида персонални бошқариш тамойиллари 5.9-жадвалда акс эттирилган.