Та’lim vazirligi toshkent moliya instituti magistratura bo’limi qo’lyozma huquqida udk: baydillayev sanjar abdumumin o’G’LI

Ilmiy yangiligi. Tadqiqotning ilmiy yangiligi quyidagilarda oʻz ifodasini topgan:
-iqtisodiyotni diversifikatsiyalash sharoitida bozor qiymatini baholash faoliyatida risk turlarini kamaytirish zarurligi tadqiq qilindi;
-mahalliy investitsiya kiritish sharoitida investitsion risklarni pasaytirish choralarini boʻyicha takomillashtirish zaruriyati asoslab berildi;
-xorij investitsiyalarni jalb etish davrida ular uchun qulay sharoit yaratish maqsadida ularga ta’luqli boʻlgan risk turlarini diversifikatsiyalash yoʻllari oʻrganilib chiqildi;
-risk turlarini xedjerlash, ya’ni risk turlarini kamaytirish bilan bogʻliq iqtisodiyotni rivojlantirish borasidagi barcha sharoitlarni yaratish va belgilangan tadbirlarni Oʻzbekistonda qoʻllash boʻyicha takliflar ishlab chiqildi.
Tadqiqotning asosiy masalalari va farazlari. Tadqiqot ishida ishlab chiqilgan taklif-tavsiyalarning amaliyotda qoʻllanilishi risklarni pasaytirish bilan bogʻliq jarayonni oʻrganish va shu orqali iqtisodiyotda investitsiya faoliyati rolini oshirishga xizmat qilishi mumkin.
Tadqiqot mavzusi bo‘yicha adabiyotlar tahlili. Investitsiya loyihalarini boshqarishga doir umumiy masalalar P.S.Geyzler, I.I.Mazur, A.N.Panov, Ditxeln Gerd, J.K.Pinto kabi bir qator xorij olimlari tomonidan ko‘rib chiqilgan.
Investitsiya loyihalarini amalga oshirishda risklarni baholashning nazariy asoslarini o‘rganish bo‘yicha o‘zining muhim hissalarini qo‘shgan xorijlik iqtisodchi-olimlar qatorida V.Berens, P.Xavranek, A.Idrisov, S.Kartishev, L.Gitmat, V.Kossov va boshqalarni alohida tilga olish mumkin.
O‘z navbatida, respublikamiz iqtisodchi-olimlari ham ushbu masalalar bo‘yicha O‘zbekiston Respublikasi amaliyotining tahlili asosida ilmiy tadqiqning xazinasini o‘zlarining maqola va ilmiy chiqishlari orqali yanada boyitganlar. Ular qatoriga M.Sharifxo‘jaev, D.G‘ozibekov, A.O‘lmasov, A.Vohobov, Y.Abdullaev, Sh.Abdullayeva, M.Angelidi, N.Karimov, E.Nosirov, D.Xo‘jamqulov va boshqalarni kiritish mumkin.
Investitsiya loyihalarini amalga oshirish davomida paydo bo‘ladigan moliyaviy, investitsion va texnik risklarni baholash va boshqarish bo‘yicha Sh.Abdullayeva, I.Balanov, V.Moskvin, X.Shodiyev, N.Karimov, F.Mirzayev tadqiqot olib borganlar.
Lekin investitsiya risklarini pasaytirish yo‘llari va ularni boshqarishni takomillashtirish bo‘yicha ilmiy tadqiqot ishlari еtarli darajada emas.