Таълим вазирлиги тошкент кимё-технология институти й.Қ. ҚОдиров, Д. А. Равшанов, А. РЎзибоев

Ж-62А қовуриш қозони Ж-6 қовуриш қозонидан кейинги модель бўлиб, иккита МП-63 форпресслари билан биргаликда МПЖ-63 агрегати кўринишида ишлаб чиқарилади. Ж-62А қовуриш қозонининг тузилиши ва ишлаши Ж-6 қовуриш қозони билан деярли бир хил. Қасқонлар баландлиги катта (528 мм), узатиш конструкциясида ва аспирация тизимида фарқи бор. Қовуриш қозонининг умумий қиздириш юзаси 22 м² . Унумдорлиги пахта чигити ёки кунгабоқарга ҳисоблаганда кунига 140 тонна.


Ж-68 олти қасқонли қовуриш қозони (4.3-расм). Қовуриш қозонларининг замонавий модели бўлиб, иккита МП-68 форпресслар билан биргаликда МПЖ-68 агрегати кўринишида ишлаб чиқарилади. Ж-68 қовуриш қозонининг Ж-6 ва Ж-62А дан фарқи қасқонларни (2) қиздириш, қасқон остидаги ҳамда ён девордаги буғ кўйлаклари орқали бажарилади. Қиздириш юзасининг умумий майдони 33,5 м² . Қолган тузилиши ва ишлаши олдинги икки модель билан деярли бир хил. Аралаштиргич вали минутига 32 марта айланади. Қасқонлар диаметри 2100 ва баландлиги 435 мм.
Ж-230/6 олти қасқонли қовуриш қозони СКЕТ (Германия) машинасозлик заводида ишлаб чиқарилади. У битта қовуриш қозони ва битта ЕТП-20 прессидан иборат агрегат бўлиб, қисман ҳамда тугал пресслаш учун қўлланилади. Қовуриш қозони диаметри 2200 мм ва баландлиги 490 мм, қасқон ости ҳамда ён девори орқали иситилувчи олтита қасқондан иборат. Қиздириш юзасининг умумий майдони 38,9 м² га тенг ва вентиляция тизимига эга.
Юқорида келтирилган қовуриш қозонларидан фарқли равишда, қовурмани прессга бериш учун пастки қасқоннинг таг қисмида битта тешик борлигидир. Аралаштиргич минутига 26 марта айланади. Унумдорлиги кунгабоқар уруғига ёки пахта чигитига ҳисоблаганда кунига 130 тонна.
Пахта чигитини форпресслаш – экстракциялаш схемаси бўйича қайта ишланганда қисман мой ва гранулланган кунжара олишда қовурмани тайёрлаш учун олти қасқонли Ж-230/6Г қовуриш қозонлари қўлланилади (4.4-расм)
Қовуриш қозони пресс-грануляция агрегати комплексига киради ва буғловчи-намловчи шнек (7), ҳамда қиздириш юзасининг умумий майдони 38,9 м² га тенг бўлган олтита қасқонлар(2)дан ташкил топган. Ҳамма қасқонлар орасидан минутига 25 марта айланувчи вертикал вал (3) ўтган, ҳар бир қасқоннинг тагида (10) ва ён деворида (9) буғ кўйлаклари мавжуд ва кўрсатувчи стрелкали ўтказувчи клапанлар (4) билан жиҳозланган. Биринчи қасқоннинг ён девори орқали ташқарига горизонтал стержень чиқарилган бўлиб, унда ичкаридан қалқович ва ташқаридан сатҳ кўрсатгич (8) ўрнатилган. Тайёр қовурмани форпрессга бериш учун пастки қасқоннинг икки ёнида шиберлар (1) билан тешиклар бор. Қовуриш қозони қасқонларнинг аспирациялаш тизими (5), вентилятор(6)га эга. Қовуриш қозонининг биринчи-олтинчи қасқонларига “очиқ” буғ берилади. Ж-230/6Г қовуриш қозонининг унумдорлиги пахта чигитига ҳисоблаганда кунига 130 тонна.