Таълим вазирлиги тошкент кимё-технология институти й.Қ. ҚОдиров, Д. А. Равшанов, А. РЎзибоев

Канакунжут уруғининг мағизи серёғ бўлгани туфайли уни яхшилаб янчилганда малҳамсимон, қумоқ-қумоқ, деярли ташиб бўлмайдиган маҳсулотга айланади. Бундай маҳсулотда кейинги жараёнлар (намлик-иссиқлик ишлови бериш)даги намликни бир маромда тақсимланиши амалий жиҳатдан юз бермайди.
Намликни мағизнинг гель қисмига бир меъёрда тақсимлаш ва унинг ташиш хусусиятини сақлаб қолиш учун мағиз 7% намлиги билан бир жуфтли яссиловчи валларда дағал янчилади. Валлар орасидаги оралиқ масофа мағиз фракцияларининг ўртача ўлчамли қалинлигига нисбатан 1,0-2,0 мм га кичик бўлиши керак.
Ёғни икки ёки уч мартада ажратиб олиш схемасидаги форпресс кунжарасидан қайтадан ёғ ажратиб олиш учун уни дастлаб янчилади. Кунжарани янчишдан мақсад унинг заррачалари ўлчамини кейинги технологик жараёнларга мос равишда оптималлаштириш, ҳамда хужайралар структурасини, шу жумладан форпресслашда ҳосил бўлган иккиламчи структурани қўшимча равишда бузишдан иборат.
Форпресс кунжараси тугал пресслашдан олдин, кетма-кет, майдаловчи шнекларда ва дискли майдалагичларда ёки бир жуфтли рифлили валцовкада ва беш валли станокда тўрт марта ўтказиш орқали янчилади. Янчишдан кейин кунжара уни, максимал даражада бир жинсли бўлиши ва тешиклар ўлчами 1мм ли элакдан ўтган миқдори кунгабоқар ва зиғир кунжаралари учун 80% ва пахта чигити кунжараси учун 60-70% бўлиши керак.
Кунжара доначалари майдалашдан кейин 3.1.-жадвалда келтирилган кўрсаткичларга мос бўлиши керак.
3.1. – жадвал

Кўрсаткичлар	Кунга- боқар	Кана- кунжут	Зиғир	Пахта чигити
				I-III нав, донадор	IV нав донадор	I-III нав, гранула
Донача (гранула) диаметри; мм, ортиқ эмас	3,5	10-12	5-7	10	12	6-7
Тешиклари 1мм бўлган элакдан ўтган масса; %, ортиқ эмас	-	5,6	-	4	10	2

Мойли уруғ, чақилма ёки мағизларни янчиш учун бир жуфт рифлили, беш валли станок – ВС-5 ва тўрт валли станок Б6-МВА лар кенг кўламда қўлланилади. Баргсимон маҳсулот олиш учун яссиловчи валли станоклардан фойдаланилади. Кунжарани майдалаш эса дискли ва болғали айдалагичларда олиб борилади.