Таълим вазирлиги термиз давлат университети Саноат технологиялари

Ион алмашиниш усулида сувни юмшатиш.
Катионит колонкаси (3-расм) узунлиги 0,7 м, диаметри 0,03 м ли шиша най бўлиб унинг ичига, остки қисмига шиша пахта қуйилади ва у 0,5 м баландлигигача катионит (КУ-2 ёки сульфокўмир кабилар) билан тулгазилади. Найнинг остки қисмида жўмраги бўлади.
Ишни бажарилиши. Ишни бошлаш учун аввало катионитни регенерациялаш керак. Бунинг учун катион алмашиниш найи орқали 8% ли 0,7л хлорид кислота 25-30 минут ўтказилади. (катионитни ювиш тезлиги 4-жўмрак билан бошқарилади). Сўнгра ҳосил бўлган туз катионитдан то хлор иони тулик йуколгунча дистилланган сув билан ювилади(AgNO₃ билан хлор ионининг чўкма беришига асосланади). Шундан сўнг 200-250мл сувни най орқали йигиб олинади ва унинг умумий қаттиқлиги аниқланади.
Катионитнинг алмашиниш сиғимини аниқлаш.
Ишни бажарилиши. Бунинг учун найдаги катионит орқали 0,5л 1,-1,5% ли хлорид кислота қуйиб ўтказилади, сўнгра 3л дистилланган сув билан катионит ювилади. Кейин катионит орқали водопровод сувидан 100-200 мл/минут тезликда ўтказилади. Хар 15 минутда катионит орқали утган (юмшаган) сувдан озгина олиб умумий қаттиқлиги аниқлаб турилади. Қаттиқлиги 0,1-0,2 ммоль/л гача ЧХК гача юмшаган (чегаравий хавсиз концентрация) катионитдан юмшаб утган сувлар йигилиб ҳажми аниқланади ва юқоридаги формуладан фойдаланиб катионитнинг алмашиниш сиғими ҳисобланади.
Лабаратория иши №4


Аммиакли селитра олиш ва унинг анализи.

Аммиакли селитра 50-60 % ли нитрат кислота эритмасини газсимон ҳолдаги аммиак билан нейтраллаб олинади

HNO₃ + NH₃ ↔ NH₄NO₃ + 148,6 кЖ.

Саноатда реакция иссиклиги сувни буғлантириш йўли билан аммиакли селитра эритмасини концентрациясини ошириш учун фойдаланилади.

Ишнинг мақсади. Кристалл ҳолдаги аммиакли селитра олиш ва унинг нитрат кислота бўйича унумини хамда ундаги аммоний азотини аниқлаш.
Жиҳозлар ва реактивлар: 48-60% ли нитрат кислота, 25% ли аммиак, лакмус когозлари, аммиакли селитра олиш қурулмаси (11-расм), 500 мл ли ўлчов цилиндри, аммиак ва нитрат кислотасини зичлигини улчаш учун ариометр, кум ҳаммоми, чини косача.