Мавзу: Аналитик кимё фани, тадқиқот доираси, мақсади ва вазифалари

 
МАВЗУ: Аналитик кимё фани, тадқиқот доираси,
мақсади ва вазифалари

Ўзбекистон Миллиллий университети кимё факультети аналитик кимё кафедраси

• Очиш ва идентификациялаш усулини танлаш, уларнинг вазифалари.
• Аналитик кимё фанининг мақсад ва вазифалари
• Ажратиш ва аниқлаш (сифат анализи) методлари
• сифат анализи методларининг синфланиши, асосий тушунчалар
• Реакцияларни амалга оширишнинг шарт-шароитлари.
• Реакцияларнинг сезилувчанлиги, танлаб таъсир этувчанлиги ва ўзига хослиги.
• Эритмаларни бўлиб-бўлиб ва систематик анализ қилиш.
• Сифат анализида катион ва анионларнинг классификацияси.
• Анионлар классификацияси.

Мавзу: Аналитик кимё фани, тадқиқот доираси,
мақсади ва вазифалари
Аналитик кимёнинг мақсади ва вазифалари
Аналитик кимё-кимёвий анализнинг назарий асослари ва методларини ишлаб чиқадиган, атроф мухитдаги ҳар хил объектларнинг элементар кимёвий тузилишини, сифат ва миқдорий аниқлашни таъминлайдиган методлар тўғрисидаги, яъни аналитик кимё-идентификациялаш, миқдорий аниқлаш ва табиатдаги турли элементар объектларнинг, яъни атомлар, ионлар, молекулалар, функционал гуруҳлар ва бошқа зарралар кимёвий структурасини аниқлайдиган фандир.
Аналитик кимёнинг асосий вазифалари-анализнинг умумий назарий асосларини, кимёвий, физик-кимёвий ва физикавий методларининг асосий принцплари билан таништиришдир.
Аналитик кимё улкан илмий ва практик аҳамиятга эга. Дарҳақиқат, барча ҳозирги замон кимёси янги аналитик методлар ва ўлчаш техникасининг қўлланиши туфайли тараққий этди. Физика, биология, геология, минерология, техника фанлари, медицина, фармацевтика, атроф-муҳитни ўрганиш фанлари ўзларининг фундаментал илмий текшириш ишларида аналитик кимёдан кенг кўламда фойдаланади. Халқ хўжалиги маҳсулотлари сифатига, космик ва атом энергетикаси саноатининг янада ривожланишига, атроф-муҳитни муҳофаза қилишга, касалликлар диагностикасини яхшилашга ва ҳоказоларга бўлган талабнинг ортиши мавжуд методларнинг янада такомиллаштирилишини ва юқори сезгирликка, аниқликка, танлаб таъсир этувчанликка, экспрессликка эга бўлган, автоматлаштириш мумкин бўлган янгидан-янги анализ методларини ишлаб чиқаришни тақазо этади.
Ҳозирги замон аналитик кимёсининг характерли томони инструментал анализ методларининг кенг тараққий этишидир (буларга физик-кимёвий ва физик методлар киради). Бу методлар юқоридаги талабларга жавоб беради.