Таълим вазирлиги самарқанд иқтисодиёт ва сервис институти

18.3.Куръер, архивариус ва бошқа ёрдамчи ходимларнинг фаолияти
Ахброт ва коммуникация технологиялари тараққий этган ҳозирги замонда курерларга талаб пасайган бўлсада, йирик ташкилотларда мазкур турдаги хизматчиларга эҳтиёж ҳали мавжуд. Одатда курер (лотин ва француз тилларида - югураман) кўпинча ташкилотларда иш ҳужжатларини тегишли жойга етказиш ва тарқатиш билан шуғулланувчи ёрдамчи хизматчиларга нисбатан қўлланилади. Курерлар муҳим хат ва хабарларнинг асл нусхасини (кўпинча ёзма шаклдаги) ва буюмларни етказиш билан шуғулланадилар.Уларнинг хизмат доираси хат ва хабарларни ўз вақтида етказиш билангина чегараланиб қолмайди. Одатда йирик корхоналарда бир нечта курерлар фаолият кўрсатади. Курерлар оддий почтальонлардан фарқли равишда тарқатилаётган хабарнинг моҳияти, бу хабарни кимга етказиш керак, унинг ижрочиси кимлиги ҳақида, ташкилотнинг асосий фаолият тури, кечаётган бошқарув жараёнлари, маъмурият таркиби хақида умумий тасаввурга эга бўлиши керак. Бундан ташқари курерлардан тезкорлик билан ишлаш, кунлик режаларини тузишга оид билим ва тажриба талаб этилади. Чунки курернинг вақти нотўғри режалаштирилиши бошқа ташкилотлар билан зарур ёзишмаларнинг ўз вақтида етказилишига тўсқинлик қилади. Фан ва техниканинг ривожланишига қарамай, ташкилотларда маъмуриятнинг бу ёрдамчи хизматчиларига бўлган эҳтиёж сақланиб қолган.
Архивариус маъмурият фаолиятида ахборотларни сақлашни ташкил этиш билан боғлиқ жараёнларни тартибга солишда муҳим ўрин тутади. Маъмурият фаолияти йирик ҳажмдаги ахборотларни тўплаш билан боғлиқ ташкилотларда бу ҳужжатларга керакли вақтда қайта мурожаат этиш, уларни сақлаш ва тартибга келтириш муаммоси ҳар доим мавжуддир. Бу масаланинг самарали ечими архивариус фаолияти билан боғлиқ. Одатда архивариус вазифасига муҳим маъмурий ҳужжатларни маълум муддатгача тўла-тўкис ва махфий сақланишини таъминлаш, зарур вақтда улардан фойдаланиш имкониятини яратиш ва бошқалар киради.


Назорат учун саволлар

1. 
   Маъмурий менежментда ёрдамчи ходимнинг аҳамиятига таъриф Беринг.
   
2. 
   Маъмурий ходимлар фаолиятини ташкил этишда офис-менежернинг ўрнини тавсифлаб беринг.
   
3. 
   Куръернинг хизмат соҳаси қайси соҳалар билан боғлиқ?
   
4. 
   Архивариус вазифаларига нималар киради?