Таълим вазирлиги наманган муҳандислик-қурилиш институти энергетика

4.2.1-Расм. Мангит юритгичнинг тузилиши. 1-Қўзғалмас контактлар; 2-Қўзғалувчан контактлар; 3-Қўзғалувчан ўзак; 4-Қўзғалувчан якор; 5-Қўзғалмас ўзак; 6-Пружина; 7-Магнит ўзакли қўзғалмас чулғам.

Магнит юритгичларнинг ишлаш принципи: Магнит ўзакли қўзғалмас чулғамга кучланиш берилганда қўзғалувчан якор қўзғалмас ўзакка тортилади, пружиналар қисилади. Бунда барча нормал очиқ контактлар ёпилади, нормал ёпиқ контактлар очилади. Магнит юритгич ўчирилганда пружиналар қўзғалувчан якор дастлабки ҳолатга қайтади, бунда барча нормал очиқ контактлар яна очилади, нормал ёпиқ контактлар эса яна ёпилади.
Электр двигател манбага уланганда унинг ишга тушириш пайтидаги токи («пуск» пайтидаги) номинал токнинг 6-7 баробари миқдорида ортиб кетади. Токнинг бундай қийматида контактлардаги енгил тебраниш ҳам уларни ишдан чиқариб қўйиши мумкин. Контактларнинг тебраниш (вибрация) вақтини камайтириш учун контактлар ва ҳаракатланувчи қисмлар имкон даражасида енгил қилиб ясалади, ҳаракат тезлиги камайтирилади ва контактларга босиш кучи оширилади. Ушбу тадбирларга амал қилиш оқибатида катта коммутацион (электрик) емирилишга бардошлиликка эга бўлган (соатига улаб-узишлар сони 600 бўлгани ҳолда жами 2^.10⁶ операцияга мўлжалланган) ПА ва ПМЕ сериядаги магнит юритгичлар яратилган.
Ток кучи 100А гача бўлган юритгич контактларига кумуш суви юритилади, ток кучи 100А дан ортиқ бўлган холлар учун эса контактлар кумуш ва кадмий оксидидан (СОК) иборат композициядан тайёрланади.
Двигателни манбадан узиш пайтида контактлардаги тикланувчи кучланиш манба кучланиши билан двигател ЭЮК си ўртасидаги фарққа тенг бўлиб, натижада контактларда бор-йўғи номинал кучланишнинг 15-20% миқдорида кучланиш бўлади, бу эса двигателpни манбадан узишга енгил шароит яратади. Лекин АД ишлаши давомида амалиётда шундай хол учрайдики, двигтелpни юритибоқ манбадан узишга тўғри келади, бундай пайтда юритгич двигателpни номинал токнинг етти баробар катта миқдорида ва номинал кучланишга тенг бўлган тикланиш кучланиши миқдорида манбадан узишига тўғри келади.
М
агнит юритгичи тормозлаб қўйилган двигателpни 50 марта улаб-узгандан кейин ҳам нормал ишлашни таpминлаши керак. Юритгичнинг паспортида унинг номинал токи миқдоридан ташқари, юритгичнинг турли кучланишларда ишлаши мумкин бўлган двигателpнинг қуввати келтирилган бўлади. Юритгич томонидан узилаётган занжир токи кучланиш ортиши билан нисбатан сезиларли бўлмаган ҳолда камайиши муносабати билан, юритгич ишлаши мумкин бўлган двигателp қуввати номинал кучланиш ортиши билан ортиб боради. Ишчи кучланишнинг энг катта қиймати 500 В га тенг.

Текширишларнинг кўрсатишларича магнит юритгичнинг электрик (коммутацион) емирилишга бардошлилиги двигателp қувватининг 1,5-2,0- даражадаги қийматига тескари пропорционал экан. Юритгичнинг хизмат муддатини ошириш учун, уни танлашда нисбатан каттароқ қувватга мўлжаллаб танланади.

Магнит юритгичларнинг уланиш схемаси 4.2.2-расмда келтирилган бўлиб, бу схема орқали электр двигателлар ишга туширилади, ўта юкламадан, бир фазани йўқолишидан ҳимояланади. Бунда магнит юритгичнинг асосий-ишчи контактлари (ПМ1-3) электр двигателни манба билан туташтирувчи ўтказгичларга ўрнатилади. Ушбу ўтказгичларнинг икки фазасига (ТП) иссиқлик релеларининг қизувчи элементлари уланади. Электромагнитнинг ғалтаги (ПМ) манбага иссиқлик релеларининг узувчи контактлари (ТП₁) ва бошқариш тугмачалари (ишлатиш ва тўхтатиш) орқали уланади. «Ишлатиш» тугмаси босилгандан сўнг, ғалтак (ПМ) «Тўхтатиш» тугмасининг КН2 контактлари ва иссиқлик релеларининг ёпиқ ҳолатдаги контактлари ТП₁ орқали манба кучланишига уланади.
Электромагнит якори ўзакка тортилгандан сўнг ПМ4 блок контакти уланади ва «Ишлатиш» тугмасининг КН1 контактларини шунтлайди. Бу эса ўз ўрнида «Ишлатиш» тугмасини қўйиб юбориш имконини беради. Магнит юритгични манбадан узиш учун «Тўхтатиш» тугмаси босилади. Юклама токи ортиб кетганда эса иссиқлик релеси (ТП) ишга тушади ва ўз контактлари ТП₁ орқали ғалтак ПМ ни манбадан узади. Электромагнит якори бошланғич ҳолатга қайтади ва шундай тартибда юритгич манбадан узилади.
Магнит юритгичларнинг блок-контактлари ҳозирги кунда универсал блок кўринишида чиқарилиб, турли юритгичларда қўллаш имконини бермоқда