Таълим технологияси амалий машғулотлар мазмуни

Темир танқис анемияни хомиладорлик вақтида кечиши асоратланиши Хомиладорлик вақтида кислород ишлатилиши 15-33% га ошади, тўқима гипоксияси

натижасида иккиламчи метаболик бузилишлар ривожланиб, миокард дистрофияси ва уни қисқарувчанлиги пасаяди. Оқсил алмашинуви бузилиши хомиладорда шишларга олиб келади. Бачадон ва плацентадаги дистрофик жараёнлар уларнинг функцияси бузилишига ва плацентар етишмовчиликни шакллантиради. Бунда хомила керакли кислород ва озуқаларни ололмайди, ривожланиши секинлашади. Асосий асоратлар: хомиладорликни тўхташи хавфи (20-42%); гестоз (40%); артериал гипотония (40%); плацентани вақтидан аввал кўчиши (25-35%); хомила ривожланиши секинлашиши (25%); вақтидан олдин туғруқ (11-42%). Туғруқ қон кетиш билан туғруқдан кейинги даврда турли яллиғланиш асоратлари пайдо бўлади (12%).

Клиник қон анализидаги стандарт кўрсаткичлар гемоглобин, эритроцит, гематокрит, ЭЧТ ранг кўрсаткичи, эритроцитлар морфологияси, зардоб темири ва ферритин миқдорига асосланади.

Темир танқис анемияли хомиладорлар диетаси
Медикаментоз даводан ташқари махсус диета тайинланади. Озиқ моддалардан 2,5 мг

темир сўрилади суткасига, дори воситаларидан эса- 15 – 20 баравар кўпроқ. Гўштли махсулотларда темир кўп бўлиб, ундан организмда 25-30%, тухум, балиқдан 10-15%, ўсимлик махсулотларидан фақат 3-5% сўрилади.

Энг кўп темир сақловчи махсулотлар (100 г махсулотдамг да) чўчқа жигари (19,0 мг), какао (12,5 мг), тухум сариғи (7,2 мг), юрак (6,2 мг), мол жигари (5,4 мг), қуруқ нон (4,7 мг), ўрик (4,9 мг), бодом (4,4 мг), курка гўшти (3,8 мг), исмалоқ (3,1 мг) ва мол гўшти (2,9 мг).

Хомиладор аёл рационал овқатланиш режимига риоя қилиши керак. Оқсил махсулотларидан мол гўшти, мол жигари, тил, юрак, товуқгўшти, тухум ва сут тавсия этилади. ёғлар сыр, творог, сметана, сливкаларда кўп. Углеводлар қора нон, сабзавотлар (помидор, сабзи, редиска, лавлаги, қовоқ ва карам), мевалардан (ўрик, анор, лимон, гилос), қуруқ мевалар (баргак, майиз, олхўри), ёнғоқ, резаворлар (смородина, наъматакк, малина, қулупнай), ёрмалар (сулия, гречка, гуруч) ва дуккаклилар (ловия, нўхот, маккажўхори) да кўп.