Talabalarni ijtimoiy faollik asosida ijtimoiy hayotga tayyorlashning pedagogik asoslari

Annotatsiya

“Sog’lom bola” yilining qabul qilinishi – barkamol avlod va uning kamoloti

• 
  xalq ta’limi tizimining dolzarb muammosi bo’lib, barkamol avlod esa, yurtboshimiz I.A.Karimov ta’kidlaganidek, yuksak ongli, mustaqil fikrlaydigan, xulq-atvori bilan ibrat bo’ladigan, ijtimoiy-iqtisodiy taraqqiyotni ta’min etuvchi ijtimoiy faol, aqlan, ma’nan, jismonan yetuk sog’lom yoshlardir.
  

Jamiyatimizda sog’lom turmush tarzi qaror topayotgan bugungi kunda o’sib kelayotgan yosh avlodda ijtimoiy faollikni tarbiyalash muhim ahamiyat kasb etadi. Men ushbu magistrlik dissertatsiyam asosida quyidagi annotatsiyani taiyorladim:

Magistrlik dissertatsiyasi ishining dolzarbligi:

• 
  Ta’lim tizimida o’quvchi yoshlarni ijtimoiy faollik asosida ijtimoiy hayotga tayyorlashning ijtimoiy-pedagogik asoslarining ifodalanishi;
  
• 
  Ta’lim-tarbiya jarayonida o’quvchilarda ijtimoiy faollikni tarbiyalashning o’rnini aniqlash.
  

Magistrlik dissertatsiyasi ishining maqsadi:

Ta’lim muassasalarida ta’lim-tarbiya jarayonlarida o’quvchi-yoshlarni ijtimoiy faollik asosida ijtimoiy hayotga tayyorlashning pedagogik asoslarini ilmiy jihatdan yoritish.
Tadqiqot maqsadiga ko`ra quyidagi vazifalar belgilanadi:

• 
  Mavzuga oid pedagogik va metodikadabiyotlarni o`rganish va tahlil qilish;
  
• 
  Ta`lim-tarbiya jarayonlarida o`quvchi-yoshlarni ijtimoiy faolligini oshirish asosida ijtimoiy hayotga tayyorlash;
  
• 
  Ijtimoiy faollik asosida ijtimoiy hayotga tayyorlashning qo`lay yo`llarini o`rganish;
  
• 
  Kasb-hunar kollejlarida o`quvchi-yoshlarni ijtimoiy faollikka o`rgatishning tavsiflanishi;
  
• 
  Ijtimoiylashtirishning eng qo`lay usullari bo`yicha metodik tavsiyalar ishlab chiqish.
  

Magistrlik dissertatsiyasi ishining vazifalari:

• 
  Ta’lim-tarbiya jarayonlarida o’quvchi-yoshlarni ijtimoiy hayotga tayyorlash holatini o’rganish va tavsiflash;
  
• 
  O’quvchilarni ijtimoiylashuv jarayonlari orqali ijtimoiy hayotga tayyorlashning shart-sharoitlarini aniqlash;
  
• 
  Darslar jarayonida o’quvchilarni ijtimoiy hayotga tayyorlash hamda uning yo’l va usullarini belgilash.
  

Magistrlik dissertatsiyasi ishining metodologik asosi:

O`zbekiston Respublikasi Konstitutsiyasi, “Ta`lim to`g`risidagi” Qonun, “Kadrlar tayyorlash Milliy dasturi, O`zbekiston Respublikasida ta`limni rivojlantirishning 2005-2010 yillarga mo`ljallangan Davlat dasturi, M. Xudoyberganovning “Ijtimoiy faollikka o`rgatish yo`llari”, J. Yo`ldoshevning “O`zbekiston - ta`lim taraqqiyoti yo`lida”, S.Akramov “Ijtimoiylashtirish – davr talabi”, S.Isomiddinovning “O`quvchilarni ijtimoiy faollikka o`rgatishning qiziqarli, faol usullari”, S.Zokirovning “Yoshlarni o`z-o`zini boshqarishga o`rgatish” kabi uslubiy qo`llanma va uslubiy tavsiyalardan foydalanildi.

Tadqiqot metodlari:

Bir-birini to`ldiradigan va nazorat qiladigan metodlar majmui qo`llandi, ilmiy adabiyotning tizimli, nazariy tahlili, kuzatishlar, suhbatlar, kuzatuvchi – eksperimentlar, statistic metodlar.

Magistrlik dissertatsiyasi ishining ob`yekti va predmeti:

• 
  Kasb-hunar kolleji o’quvchilari. Kasb-hunar kolleji ta`lim-tarbiya jarayonlarida o’quvchilarni ijtimoiy faollik asosida ijtimoiy hayotga tayyorlashning ifodalanishi.
  

Magistrlik dissertatsiyasi ishining nazariy-amaliy asoslari:

• 
  Kasb-hunar kollejlarida ta’lim-tarbiya jarayonida o’quvchilarni ijtimoiy hayotga tayyorlash va ularning tavsiflanishi;
  
• 
  O’quvchi-yoshlarda ijtimoiy hayot jarayonida ijtimoiy faollikni tashkil qilishning yo’l va usullarining ifodalanishi hamda foydalanish samaradorligi bo’yicha uslubiy tavsiyalar ishlab chiqish.
  

Magistrlik dissertatsiyasi ishining kutilayotgan natijasi:

• 
  O’quvchilarni ijtimoiy hayotga tayyorlashda ta’lim-tarbiyaning samarali yo’lga qo’yilishi, o’quvchining ijtimoiy tajriba, ijtimoiy-axloqiy qadriyatlar, hulq-atvor me’yor va qoidalarining o’zlashtirilishi.
  

Tadqiqot bosqichlari:

Birinchi bosqich: 2012 - yilning 2-3 - kvartali – 2013 yilning 1- kvartalini o`z ichiga oladi. Bu bosqichda magistrlik dissertatsiyasi mavzusi tanlanadi, mavzuga oid adabiyotlar o`rganilib tahlil qilinadi va magistrlik dissertatsiyasiga asosnoma tayyorlanadi.
Ikkinchi bosqich: 2013 - yilning 1-2-3-4- kvartallarini o`z ichiga oladi, bunda mavzu bo`yicha maxsus adabiyotlar o`rganiladi, tahlil etiladi va magistrlik dissertatsiyasining birinchi bobi yoziladi. Shu asosda tadqiqot metodikasi tayyorlanadi.
Uchinchi bosqich: 2014 yil tanlanga bazalarda kuzatuvchi tajriba-sinov ishi olib boriladi, olingan natijalar tahlil etilib, pedagogik tavsiyalar ishlab chiqiladi. Yakuniy bosqichda dissertatsiya yoziladi va kafedra muhokamasidan o`tkaziladi. Ko`rsatib berilgan kamchiliklar ustida ishlanib, dissertatsiya yakunlanadi.