Талаба ва магистрантларнинг мустақил ишини ташкил этиш ва назорат қилиш бўйича й ў р и қ н о м а

Амалиётдаги мавжуд муаммолар ечимини топиш
Талабага бир мавзу ёки бўлим бўйича ноанъанавийликни таҳлил қиладиган, назарий 
аҳамиятга эга
бўлган амалиётдаги мавжуд муаммолар, ижодий ёндашиш талаб қиладиган илмий- ижодий 
вазифалар топширилади. Амалий топшириқлар масалани ҳал қилишнинг оптимал усулини 
излашга ва топишга қаратилган бўлиши керак. Бунда ўқитувчи талаба билан ҳамкорликда 
ишлайди.
Талабалар мустақил ишини самарали ташкил этиш.
-талабалар мустақил ишини ташкил қилишга тизимли ёндашиш;
-талабалар мустақил ишини барча босқичларини мувофиқлаштириш ва узвийлаштириш;
- талабалар мустақил ишини бажарилиши устидан қатъий назорат ўрнатиш;
-талабалар мустақил ишини ташкил этиш ва назорат қилиш механизмларини 
такомиллаштириб бориш.
Талабалар мустақил ишини муваффақиятли якунлаши учун қуйидаги талаблар 
бажарилиши лозим: 
- Мақсад билимнинг (билимни мустаҳкамлаш, янги билимларни ўзлаштириш, ижодий 
фаолликни ошириш, амалий кўникма ва малакаларни шакллантириш ва х.к.), аниқ асосланиши; 
- вазифа ва топшириқларнинг аниқ-равшан белгиланиши;
- топшириқларни бажариш алгоритми ва услубларидан талабаларнинг етарли даражада 
хабардор бўлиши, маслаҳат ва бошқа ёрдам турларининг тўғри белгиланиши;
- ҳисобот шакли ва баҳолаш мезонини аниқ белгилаш;
- назорат вақти, шакли ва турларини аниқ белгилаб олиш.
Ўқув фанлари бўйича намунавий ва ишчи дастурларда талаба мустақил ишининг шакли, 
мазмуни ва ҳажми ифода этади.
Талаба мустақил иши учун ажратилган вақт бюджетига мос равишда ҳар бир фан бўйича 
тегишли кафедраларда мустақил ишнинг ташкилий шакллари, топшириқлар вариантлари ишлаб 
чиқилади ва факультет декани томонидан тасдиқланади.
Мустақил ишни бажариш учун фанлар бўйича талабаларга зарурий услубий қўлланма, 
кўрсатма ва тавсиялар ишлаб чиқилади.
Талаба мустақил ишини назорат қилиш 
Талаба мустақил ишига раҳбарлик қилиш кафедрада тузиладиган маслаҳатлар жадвали 
асосида амалга оширилади.
Талаба мустақил ишини назорат қилиш ўқув машғулотларини бевосита олиб борувчи 
ўқитувчи томонидан амалга оширилади.
Талабанинг мустақил иши ҳар бир фан бўйича рейтинг қайдномаси (2-3-4 курс талабалари 
ва 2-курс магистрантлари) жорий, оралиқ назорат баллари ва баҳолаш қайдномаларида (1-курс 7 
талабалари ва 1-курс магистрантлари) оралиқ назорат баҳолари билан бирга қайд этилиб 
борилади, кафедра ва деканатда бу маълумотлар йиғилиб умумлаштирилади.
Талабанинг мустақил иши, муайян фан ишчи дастурида ажратилган соатларга мос 
равишда баҳоланади. Ҳар бир фан бўйича мустақил ишнинг шакллари кафедра мажлисларида 
муҳокама этилади ва тасдиқланади.
Талаба мустақил ишини назорат қилиш турлари ва уни баҳолаш мезонлари ҳар бир 
кафедрада муҳокама этилади ва факультет декани томонидан тасдиқланади. Мустақил ишларни 

---

6 
баҳолаш мезонлари талабаларга ўқув йили (семестри) бошланиши олдидан методик материаллар 
билан биргаликда тарқатилади.
Фанлар кесимида талабаларнинг мустақил ишлари бўйича ўзлаштириши мунтазам 
равишда талабалар гуруҳларида, кафедра йиғилишиларида муҳокама қилиб борилади.
Талабаларнинг мустақил иши ҳар бир кафедрада 6 ой мобайнида сақланади.