Талаба ва магистрантларнинг мустақил ишини ташкил этиш ва назорат қилиш бўйича й ў р и қ н о м а

 
 

---

3 
Талаба мустақил ишининг ташкилий шакллари
Талаба мустақил ишини ташкил этишда муайян фан (курс)нинг хусусиятларини, 
шунингдек, ҳар бир талабанинг академик ўзлаштириш даражаси ва қобилиятини ҳисобга 
олган ҳолда қуйидаги шакллардан фойдаланилади:
- айрим назарий мавзуларни ўқув адабиётлари ёрдамида мустақил ўзлаштириш;
- берилган мавзу бўйича ахборот (реферат) тайёрлаш;
- семинар ва амалий машғулотларга тайёргарлик кўриш;
- лаборатория ишларига тайёргарлик кўриш;
- ҳисоб-график ишларини бажариш;
- курс иши лойиҳасини бажариш;
- малакавий битирув иши ва магистрлик диссертациясини тайёрлаш;
- назарий билимларни амалиётда қўллаш;
- амалиётдаги мавжуд муаммоларнинг ечимини топиш;
- илмий мақола, анжуманга маъруза тезисларини тайёрлаш;
- берилган мавзу бўйича электрон вариантларни тайёрлаш;
- уй вазифаларини бажариш ва бошқалар.
Ўқитилаётган фаннинг хусусиятидан келиб чикиб, талаба мустақил ишини ташкил 
этишда бошқа шакллардан ҳам фойдаланиш мумкин.
Айрим назарий мавзуларни ўқув адабиётлари ёрдамида мустақил ўзлаштириш Фаннинг 
хусусияти, талабаларнинг билим даражаси ва қобилиятига қараб ишчи ўқув дастурига
киритилган алоҳида мавзулар талабаларга мустақил равишда ўзлаштириш учун топширилади. 
Бунда мавзунинг асосий мазмунини ифодалаш ва очиб беришга хизмат қиладиган таянч 
иборалар, мавзуни тизимли баён қилишга хизмат қиладиган саволларга эътибор қаратиш, 
асосий адабиётлар ва ахборот манбаларини кўрсатиш лозим. Топшириқни бажариш 
жараёнида талабалар мустақил равишда ўқув адабиётларидан, илмий адабиётлардан ва 
интернет маълумотларидан фойдаланиб ушбу мавзуга таёрланиб келадилар, таянч 
ибораларнинг моҳиятини англаган ҳолда мавзуга тааллуқли саволларга жавоб 
тайёрлайдилар. Зарур ҳолларда ўқитувчидан маслаҳат оладилар. Талабаларнинг тайёрлаб 
келган мавзулари бўйича фан ўқитувчиси савол-жавоб тарзида оғзаки, ёзма ва бошқа усуллардан 
фойдаланган ҳолда талабаларнинг билимини баҳолайди.