Тактиканинг фан сифатида вазифалари

O‘q-dori va yonilg‘ining sarflanishi me’yorlari quyidagicha aniqlanadi:

- batalon uchun – brigada komandirining front orti ta’minoti bo‘yicha buyrug‘i yoki alohida farmoyishi orqali;

- vzvod uchun - batalon komandirining front orti ta’minoti bo‘yicha ko‘rsatmasiga binoan;

- guruh uchun - vzvod komandirining ko‘rsatmasiga binoan;

- seksiya (tank, hisob) uchun guruh komandirining ko‘rsatmasi,

- pulemetchi va avtomatchi uchun - seksiya komandirining ko‘rsatmasiga binoan.

Bunda har bir bo‘linma komandiri umumiy sarflanish hisobidan kelib chiqadi. Batalon uchun (vzvod, guruh, seksiya) ko‘rsatilgan va bo‘ysinuvchi bo‘linmalarning (harbiy xizmatchilarning) jangovar vazifalari uchun, shaxsiy tarkib uchun oziq – ovqat ta’minoti ko‘rsatilgan me’yorlarda sarflanadi. Avtomobil, zirhlitank, tibbiy mulklar, kiyim-kechaklar va boshqa moddiy vositalar uchun aniq sarflanish me’yorlari mavjud. Batalon (vzvodlar, guruhlar) komandirlari ular bo‘ysinuvida bo‘lgan barcha moddiy vositalarni to‘g‘ri ishlatilishini nazorat qilish va tejab sarflanishi uchun barcha choralarni ko‘rishlari kerak.

Batalonni moddiy vositalarga bo‘lgan talabini qondirish avvalom bor uning zaxiralari hisobidan amalga oshiriladi.

Vzvodlarni va batalonni doimiy jangovar shay holda saqlashda ularda tuzilgan moddiy vositalar zaxiralari asosiy o‘rinni egallaydi. SHuning uchun o‘rnatilgan moddiy vositalar zaxiralari doimo saqlanishi shart. Batalonda o‘q-dorilar, yonilg‘i, oziq-ovqat, zirhlitank, avtomobil, tibbiy va boshqa mulklarning zaxiralari tuziladi.