Тактиканинг фан сифатида вазифалари

12.3.Tunda jangovar harakatlar olib borishdagi texnik ta’minot
Bo‘linmalarning tundagi harakatlari barcha turdagi jangovar harakatlar ichida eng murakkabi hisoblanadi, bu esa texnik ta’minot tadbirlarini puxta tashkillashtirish va amalga oshirishni talab qiladi.

SHaxsiy tarkibning tunda harakatlanishiga ta’sir etuvchi asosiy omil bu ko‘rishning cheklanganligidir, shikastlangan mashinalar haqida batalon TKPga kelayotgan ma’lumotning hajmi, aniqligi va to‘liqligi kamayadi.

Qorong‘i vaqt TXS shaxsiy tarkibining ish samaradorligiga va ular bajarayotgan ishlarning sifatiga ta’sir etadi. Oraliqlarni aniq o‘rnatish, uzel va agregatlarning sentrovkasi, boshqarish murvatlarini rostlash va h.k. bilan bog‘liq bo‘lgan mashinalarni ta’mirlash bo‘yicha ishlarni bajarishning murakkabligi, yoritish vositalaridan foydalanishni talab etadi, bu esa yoruqlik maskirovkasini ta’minlash bo‘yicha qo‘shimcha ishlarni bajarishni talab etadi (ta’mirlovchilarni ishlab chiqarish bilan bog‘liq bo‘lmagan vaqt sarfini ko‘paytiradi). SHaxsiy tarkib ishining samaradorligi ularning charchashi oqibatida pasayishi mumkin (kunduzgi jangovar harakatlarning tunga ulanib ketishi).

Sutkaning qorong‘i vaqti dushmanning qo‘shinlarimiz ichkarisiga suqilib kirishi va desant yoki razvedka-qo‘poruvchilik guruhi (RqG) tashlashini engillashtiradi, bu esa ta’mirlash-evakuatsiya vositalarini va shikastlangan mashinalarni yakson etilishi xavfini vujudga keltiradi.